ສະພາບການລະບາດຂອງພະຍາດໄຂ້ຍຸງລາຍ ໃນຂອບເຂດທົ່ວປະເທດ ມາຮອດປະຈຸບັນແມ່ນຍັງມີການເພີ່ມຂຶ້ນຢ່າງຕໍ່ເນື່ອງ ໂດຍລ່າສຸດ,​ ວັນທີ 20 ມິຖຸນາ 2020 ທີ່ຜ່ານມາ ສູນຂ່າວສານການແພດສຸຂະສຶກສາ ໄດ້ລາຍງານຕົວເລກຜູ້ຕິດເຊື້ອພະຍາດໄຂ້ຍຸງ ໂດຍໃນນັ້ນ ມີຈໍານວນຜູ້ຕິດເຊື້ອເພີ່ມຂຶ້ນສູງເຖິງ 213 ຄົນ ລວມຜູ້ຕິດເຊື້ອສະສົມທັງໝົດມີ 1,998 ຄົນ

ໃນນີ້ ຍອດຜູ້ຕິດເຊື້ອສູງສຸດ ແມ່ນຍັງເປັນນະຄອນຫຼວງວຽງຈັນ ມີຈໍານວນຜູ້ຕິດເຊື້ອສະສົມທັງໝົດ 434 ຄົນ ເພີ່ມຂຶ້ນ 27 ຄົນ,​ ແຂວງ ວຽງຈັນ 298 ຄົນ ເພີ່ມຂຶ້ນ 54 ຄົນ, ແຂວງ ອັດຕະປື 226 ຄົນ ເພີ່ມຂຶ້ນ 13 ຄົນ, ສ່ວນແຂວງ ຊຽງຂວາງ ແມ່ນຍັງບໍ່ພົບຜູ້ຕິດເຊື້ອ

ສິ່ງສໍາຄັນໃນການປ້ອງກັນໄຂ້ຍຸງລາຍ ຕ້ອງປະຕິບັດ 5 ປ ຄື:

  • ປິດພາຊະນະທີ່ບັນຈຸນໍ້າໃນເຮືອນ ແລະ ນອກເຮືອນ ເພື່ອບໍ່ໃຫ້ຍຸງມາໄຂ່ໃສ່
  • ປ່ຽນນໍາ ແລະ ຜັດຖູພາຊະນະຖ້ານຕີນຕູ້, ໂຖດອກໄມ້ 2 ຄັ້ງຕໍ່ອາທິດ
  • ປ່ອຍປາຫາງນົກຍຸງໃສ່ພາຊະນະທີ່ບັນຈຸນໍ້າເພື່ອກິນໜອນນໍ້າຍຸງລາຍ
  • ປັບປຸງອານາໄມບໍລິເວນທີ່ຢູ່ອາໄສທາງໃນ ແລະ ນອກເຮືອນໃຫ້ສະອາດ ໃນແຕ່ລະຄອບຄົວໃຫ້ມີການກວດກາ ແລະ ກໍາຈັດແຫຼ່ງແຜ່ພັນຂອງຍຸງລາຍ ເຊັ່ນ: ກະໂປະກະປ໋ອງ, ຢາງຕີນລົດເກົ່າ ອາທິດລະ 1 ຄັ້ງ ໃນຂອບເຂດທີ່ຢູ່ອາໄສຂອງຕົນປະຕິບັດ 5ປ ໃຫ້ເປັນນິໄສ
  • ປະຕິບັດເປັນປະຈໍາທຸກໆອາທິດ ແລະ ຖ້າເປັນໄຂ້ໃຫ້ໄປປິ່ນປົວຢູ່ໂຮງໝໍ ຫຼື ສຸກສາລາໃກ້ບ້ານທ່ານ

 “ບໍ່ມີໜອນນໍ້າ ບໍ່ມີຍຸງລາຍ, ບໍ່ມີຍຸງລາຍ ບໍ່ມີໄຂ້ເລືອດອອກ”

LEAVE A REPLY

Please enter your comment!
Please enter your name here