ແຟນເພຈ  Art And Culture of Laos  ໄດ້ເຜີຍແຜ່ຮູບພາບ ປຶ້ມອັກຂະລະຮູບພາບລາວ ຜົນງານຂອງພໍ່ເຖົ້າທິດຜຸ ຊາວຫຼວງພະບາງ, ໂດຍທາງເພຈໄດ້ລະບຸວ່າ ໜັງສືຊຸດນີ້ ແມ່ນໄດ້ອອກພ້ອມກັບໜັງສືໄວຍະກອນ ແລະ ຕົວເລກລາວ ພິມອອກເມື່ອປີ ຄສ 1935

ຊາດ​ລາວເຮົານັ້ນ ​ເປັນ​ຊາດ​ໜື່ງທີ່​ມີ​ພາ​ສາ ​ແລະ ຕົວ​ອັກ​ສອນ​​ເປັນ​ຂອງ​ຕົນ​ເອງ​ມີ​ຊື່​ຮຽກ​ວ່າ ພາ​ສາ​ລາວ ​ແລະ ຕົວ​ອັກ​ສອນ​ລາວ​. ສຳ​ລັບ​ພາ​ສາ​ລາວ​ນັ້ນ ມັນ​ກຳ​ເນີ​ດ​ຂື້ນ​ພ້ອມໆ​ກັບ​ການ​ກຳ​ເນີ​ດ​ຂອງ​ຊາດ​ລາວ ​ເປັນ​ພາ​ສາ​ທີ່​ເກົ່າແກ່​ພາ​ສາ​ໜື່ງ​ຢູ່​ໃນ​ອາ​ຊີ​ອາ​ຄະ​ເນ​. ສ່ວນ​ຕົວ​ອັກ​ສອນ​ລາວ​ມີ​ໃຊ້​ແລ້ວ​ໃນ​ສະ​ໄໝ​ຂຸນ​ຫລວງ​ສີ​ເມົາ ​ເຈົ້າ​ປົກ​ຄອງ​ເມືອງ​ງາຍ​ລາວ​. ທັງ​ພາ​ສາ ​ແລະ ຕົວ​ອັກ​ສອນ​ລາວ ​ໄດ້​ຮັບ​ການ​ພັດ​ທະ​ນາ​ເລື້ອຍໆ​. ​ໃນ​ອະ​ດີດ​ອັນ​ຍາວ​ນານ​ຊົນ​ຊາດ​ລາວ​ມີ​ອຳ​ນາດ ມີ​ອິດ​ທິ​ພົນ ​ແຜ່​ຂະ​ຫຍາຍ​ກວ້າງ​ໄກ​. ພາ​ສາ ​ແລະ ຕົວ​ອັກ​ສອນ​ລາວ​ກໍ​ໄດ້​ຮັບ​ການ​ພັດ​ທະ​ນາ ​ໃຫ້​ດີ​ຂື້ນ​ເພື່ອ​ຮັບ​ໃຊ້​ໃຫ້​​ແກ່ ການ​ຂະ​ຫຍາຍ​ຕົວ​ທາງ​ດ້ານ​ເສດ​ຖະ​ກິດ​, ວັດ​ທະ​ນະ​ທຳ​ສັງ​ຄົມ ຢ່າງ​ກວ້າງ​ຂວາງ​.

​ມາຮອດສະໄໝຂອງ ພຣະເຈົ້າ​ສຸ​ລິ​ຍະ​ວົງ​ສາທຳມິກະຣາດ (ຄສ 1638) ​ ໃນ​ສະ​ໄໝ​ນີ້ ພາ​ສາ​, ວັນ​ນະ​ຄະ​ດີ ​ແລະ ຕົວ​ອັກ​ສອນ​ລາວ​ ນັບ​ວ່າ​ໄດ້​ຮັບ​ການ​ພັດ​ທະ​ນາ​ສູ່​ລະ​ດັບ​ສູງ​ສົມ​ຄວນ​. ການ​ພັດ​ທະ​ນາ​ພາ​ສາ​, ວັນ​ນະ​ຄະ​ດີ ​ແລະ ຕົວ​ອັກ​ສອນ​ລາວ​ໃນ​ສະ​ໄໝ​ນີ້​ສ່ວນ​ໃຫຍ່​ແມ່ນ​ອີງ​ໃສ່​ພາ​ສາ​ວັນ​ນະ​ຄະ​ດີ ​ແລະ ຕົວ​ອັກ​ສອນ ບາ​ລີ – ສັນ​ສະ​ກິດ ​ເປັນ​ຫຼັກ​ສຳ​ຄັນ ສ່ວນ​ພາ​ສາ​ຂອງ​ຊົນ​ຊາດ ອ້ອມ​ຂ້າງ​ເປັນ​ສຳ​ຮອງ​. ດັ່ງ​ນັ້ນ​ໃນ​ສະ​ໄໝ ​ເຈົ້າ​ສຸ​ລິ​ຍະ​ວົງ​ສາ​ນີ້ ອັກ​ສອນ​ລາວ​ໄດ້​ຮັບ​ການ​ພັດ​ທະ​ນາ ​ໃຫ້​ກ້າວ​ສູ່​ລະ​ດັບ​ສູງ​.

ມາໃນສະໄໝລາວສູນເສຍເອກະລາດ ໂດຍສະເພາະ ແມ່ນເລີ່ມສະໄໝເຈົ້າອະນຸວົງເປັນຕົ້ນມາ ພາສາວັນນະຄະດີ ແລະ ຕົວອັກສອນລາວໄດ້ອັບເສົ້າມົວໝອງ. ໃນເມື່ອຊາດເສຍເອກະລາດທຸກສິ່ງທຸກຢ່າງມັນກໍຕ້ອງສູນເສຍໄປນຳ. ຕໍາລາວັນນະຄະດີ ແລະ ອັກສອນລາວໄດ້ຖືກສັດຕູປຸ້ນເອົາໄປເກືອບໝົດສີ້ນ.

ເວລານັ້ນເສັ້ນທາງອັກສອນສາດ ແລະ ວັນນະຄະດີລາວພົບກັບຄວາມມຶດມົນ ຈົນເກືອບວ່າບໍ່ມີທາງຟື້ນຟູຂື້ນມາໄດ້. ແຕ່ຊະຕາຍັງບໍ່ຂາດຊາດລາວຍັງບໍ່ສິ້ນ ແຜ່ນດີນລາວຍັງບໍ່ສິ້ນນັກປາດ, ພູມປັນຍາລາວໄດ້ພົ້ນເດັ່ນຂື້ນມາອີກ ດັ່ງນັ້ນ ພາສາລາວ, ອັກສອນລາວ, ວັນນະຄະດີລາວ ກໍໄດ້ຟື້ນຄືນມາ ດ້ວຍຊີວິດເລືອດເນື້ອ ຢາດນ້ຳຕາ ແລະ ພູມປັນຍາຂອງປະຊາຊົນລາວ​.

ພຸດທະບັນດິດສະພາຈັນທະບູລີ ໄດ້ຖືກສ້າງຕັ້ງຂື້ນໃນປີ 1932 ໂດຍການເປັນປະທານຂອງ ສະເດັດເຈົ້າເພັດຊະລາດ ມີພາລະບົດບາດໃນການຟື້ນຟູພາສາ, ອັກສອນ, ວັນນະຄະດີ ແລະ ປະຫວັດສາດລາວ. ອາຈານມະຫາສີລາວີລະວົງ ນັກຄົ້ນຄວ້າຜູ້ສະຫລາດຮູ້ໃນນາມເປັນເລຂາຂອງພຸດທະບັນດິດ ສະພາຈັນທະບູລີ ໄດ້ທຸ່ມເທແຮງກາຍ ແຮງໃຈ ສະຕິປັນຍາ ແລະ ຄວາມຮູ້ຄວາມສາມາດຂອງເພີ່ນເຂົ້າໃນການຄົ້ນຄວ້າ.

ເພິ່ນສາມາດເຂົ້າໄປຄົ້ນຄວ້າພາສາ, ອັກສອນ, ວັນນະຄະດີ ແລະ ປະຫວັດສາດລາວ ຈາກຕົ້ນສະບັບເກົ່າແກ່ດັ້ງເດີມຂອງລາວ ທີ່ຫໍສະໝຸດກຸງເທບ. ຈາກຜົນງານການຄົ້ນຄວ້າຂອງອາຈານ ມະຫາ ສີລາ ວີລະວົງສ໌ ນັ້ນ, ໄວຍະກອນລາວທັງ 4 ເຫຼັ້ມ ທຳອິດຖືກພິມຂື້ນໂດຍ ພຸດທະບັນດິດສະພາຈັນທະບູລີ ໃນປີພ.ສ 2478 ກົງກັບ ຄ.ສ 1935 ໄວຍາກອນທັງ 4 ເຫຼັ້ມຄື ອັກຂະຫຼະວິທີ, ວະຈີວິພາກ, ວາກາຍະສຳພັນ ແລະ ສັນທະລັກສະນະ ຖືເປັນຫຼັກ ແລະ ເປັນແມ່ແບບໃນການຟື້ນຄືນຊີບ ຂອງອັກສອນສາດລາວ ຫຼື ອາດເວົ້າໄດ້ວ່າ ຫຼັກພາສາລາວໃນສະໄໝຟື້ນຄືນຊີບ.

ຮູບພາບ:

ພຸດທະບັນດິດສະພາຈັນທະບູລີ ໄດ້ຖືກສ້າງຕັ້ງຂື້ນໃນປີ 1932 ໂດຍການເປັນປະທານຂອງ ສະເດັດເຈົ້າເພັດຊະລາດ ມີພາລະບົດບາດໃນການຟື້ນຟູພາສາ, ອັກສອນ, ວັນນະຄະດີ ແລະ ປະຫວັດສາດລາວ. ອາຈານມະຫາສີລາວີລະວົງ ນັກຄົ້ນຄວ້າຜູ້ສະຫລາດຮູ້ໃນນາມເປັນເລຂາຂອງພຸດທະບັນດິດ ສະພາຈັນທະບູລີ ໄດ້ທຸ່ມເທແຮງກາຍ ແຮງໃຈ ສະຕິປັນຍາ ແລະ ຄວາມຮູ້ຄວາມສາມາດຂອງເພີ່ນເຂົ້າໃນການຄົ້ນຄວ້າ.

ເພິ່ນສາມາດເຂົ້າໄປຄົ້ນຄວ້າພາສາ, ອັກສອນ, ວັນນະຄະດີ ແລະ ປະຫວັດສາດລາວ ຈາກຕົ້ນສະບັບເກົ່າແກ່ດັ້ງເດີມຂອງລາວ ທີ່ຫໍສະໝຸດກຸງເທບ. ຈາກຜົນງານການຄົ້ນຄວ້າຂອງອາຈານ ມະຫາ ສີລາ ວີລະວົງສ໌ ນັ້ນ, ໄວຍະກອນລາວທັງ 4 ເຫຼັ້ມ ທຳອິດຖືກພິມຂື້ນໂດຍ ພຸດທະບັນດິດສະພາຈັນທະບູລີ ໃນປີພ.ສ 2478 ກົງກັບ ຄ.ສ 1935 ໄວຍາກອນທັງ 4 ເຫຼັ້ມຄື ອັກຂະຫຼະວິທີ, ວະຈີວິພາກ, ວາກາຍະສຳພັນ ແລະ ສັນທະລັກສະນະ ຖືເປັນຫຼັກ ແລະ ເປັນແມ່ແບບໃນການຟື້ນຄືນຊີບ ຂອງອັກສອນສາດລາວ ຫຼື ອາດເວົ້າໄດ້ວ່າ ຫຼັກພາສາລາວໃນສະໄໝຟື້ນຄືນຊີບ.

ຮູບພາບ: Art And Culture of Laos , Pirasri Povatong

ຂໍ້ມູນ: ເວັບໄຊ ເພັດຊະລາດ

LEAVE A REPLY

Please enter your comment!
Please enter your name here