ວັນທີ 17 ມິຖຸນາ 2020, ເຟສບຸກ ສິລິວາທີ ສະຕູດິໂອ ໄດ້ເຜີຍແຜ່ຮູບພິທີເປີດນໍາໃຊ້ໂຄງການນໍ້າດື່ມສະອາດຊຸມຊົນ ທີ່ ບ້ານນາກະລາ ແລະ ບ້ານນາກະຫຼຶງ ເມືອງ ສອງຄອນ ແຂວງສະຫວັນນະເຂດ ໂດຍການເປັນປະທານຂອງ ທ່ານ ນາງ ນາລີ ສີສຸລິດ ພັນລະຍາ ທ່ານນາຍົກລັດຖະມົນ ແຫ່ງ ສປປ ລາວ, ເຂົ້າຮ່ວມເປັນສັກຂີພະຍານ ໂດຍ ຍາທ່ານສົມບູນ ສິຣິປັນໂຍ ເຈົ້າຄະນະແຂວງໆສະຫວັນນະເຂດ

ນອກຈາກນີ້, ໃນມື້ດຽວກັນ ທ່ານ ນາງ ນາລີ ສີສຸລິດ ຍັງໄດ້ເປັນປະທານ ວາງສີລາເລີກ ໂຄງການກໍ່ສ້າງໂຮງຮຽນປະຖົມສົມບູນ ຫຼັງໃໝ່ ທີ່ ບ້ານ ຫ້ວຍມ່ວງ ເມືອງໄຊພູທອງ ແຂວງ ສະຫວັນນະເຂດ

ໂຄງການທັງສອງນີ້, ແມ່ນໄດ້ປະຕິບັດຕາມ ປະຕິປະທານ ອົງພຣະຍອດແກ້ວມະຫາສັງຄະສຸທັມມາທິບໍດີຣັດຕະນະມະຫາສັງຄະປາໂມກ (ພຣະເດດພຣະຄຸນພໍ່ທ່ານໃຫຍ່ມຫະຫາງອນ ດຳຣົງບຸນມະຫາເຖຣະເຈົ້າ ອະດີດປະທານອົງການພຸດທະສາສນາສັມພັນ ແຫ່ງ ສປປລ ລາວ ອົງທີ 5. ທີ່ໄດ້ວາງອຸດົມການໄວ້ວ່າ: ຂຸດນໍ້າບໍ່, ກໍ່ສາລາ, ສ້າງມັກຄາໄຕ່ເຕົ້າ, ສ້າງເບົ້າຫລໍ່ຫລອມຄົນ, ສ້າງກຸສົນປົວພະຍາດ, ສ້າງນັກປາດສັ່ງສອນສິນທໍາ

ສິ່ງທີ່ປາບປື້ມປິຕິຊົມຊື່ນຍິນດີທີ່ສຸດ ຄື ເຖິງແມ່ນອົງພໍ່ທ່ານໄດ້ລະສັງຂານໄປແລ້ວ ແຕ່ຍັງມີ ລູກເຕົ້າສິດໂຍມ ສືບຕໍ່ປະນິທານພໍ່ທ່ານທັງນີ້ເພື່ອຖວາຍເປັນທັກຂິນານຸປາທານ ແລະ ເພື່ອໃຫ້ປະຊາຊົນພາຍໃນບ້ານໄດ້ຮັບປະທານນ້ຳຖືກສຸຂະອະນາໄມ.

ຮູບພາບ ແລະ ຂໍ້ມູນໂດຍ:​ ສິລິວາທີ ສະຕູດິໂອ

LEAVE A REPLY

Please enter your comment!
Please enter your name here