ມາຊ້າດີກວ່າບໍ່ມາ! ຟິວເຈິໃໝ່ສຳລັບຄົນມັກລົມໃນເຟສບຸກ ເລີ່ມໃຊ້ງານໃນ ສປປ ລາວໄດ້ແລ້ວ

ຫຼັງຈາກເຟສບຸກເປີດຟິວເຈິໃໝ່ ໂດຍໃສ່ຊື່ວ່າ Messenger Rooms ເມື່ອທ້າຍເດືອນເມສາທີ່ຜ່ານມາ ແຕ່ໃນ ສປປ ລາວ ຍັງບໍ່ສາມາດໃຊ້ໄດ້ໃນເວລານັ້ນ ແຕ່ຕອນເຊົ້າຂອງມື້ນີ້ ອິນໄຊລາວພົບວ່າ ມີຄໍາສັ່ງ Create Room ຫຼື ສ້າງຫ້ອງແລ້ວ (ສໍາລັບຄົນທີ່ເລືອກການສະແດງພາສາເປັນພາສາລາວ ຈະພົບການສະແດງພາສາທີ່ປະສົມກັບພາສາອຶ່ນໆ ເຊັ່ນ ພາສາອັງກິດ ແລະ ພາສາໄທ)

ສຳລັບທ່ານໃດທີ່ຮູ້ຈັກ Messenger Rooms ມາກ່ອນໜ້ານີ້ແລ້ວ ອາດຈະຄິດວ່າ Rooms ແມ່ນຟິວເຈິ ທີ່ໃຊ້ສຳລັບປະຊຸມ ເຊັ່ນດຽວກັບ Zoom ແລະ Microsoft Team ດັ່ງນັ້ນ ໃນສະຖານະການທີ່ຄົນລາວເຮົາ ບໍ່ຕ້ອງເຮັດວຽກຢູ່ເຮືອນຄືກັບປະເທດອຶ່ນໆ ຈື່ງອາດຈະບໍ່ຈໍາເປັນເທົ່າໃດ

ແຕ່ເມື່ອເຟສບຸກຈະຫວັງໃຫ້ Rooms  ເຮັດຫຍັງໄດ້ຫຼາຍກວ່ານັ້ນ ເພາະໄດ້ປະສົມປະສານລະບົບ Rooms ເຂົ້າກັບແອບອຶ່ນໆອີກດ້ວຍ ບໍ່ວ່າຈະເປັນອິນສະຕາແກຣມ ວອດແອັບ ແລະ ໃນໜ້າ News feed ຂອງເຟສບຸກເອງ ເຮັດໃຫ້ Rooms ເຮັດໜ້າທີ່ເປັນຫ້ອງຍ່ອຍໆ ທີ່ເຊື່ອງຢູ່ໃນແອບ ຂອງເຟສບຸກອີກເທື່ອ ແລະ ເຮັດໜ້າທີ່ຄື Facebook Live + Video Chat ທີ່ເລືອກຄົນໄດ້ວ່າ ຈະໃຫ້ໃຜເຂົ້າມາເບິ່ງ ແລະ ກຳນົດຫົວຂໍ້ຂອງຫ້ອງໄດ້ ວ່າຈະເວົ້າເລື່ອງຫຍັງ,

ນອກຈາກນີ້ Rooms ຍັງເປັນຫ້ອງທີ່ອິດສະຫຼະແກ່ຜູ້ເປີດຫ້ອງ ແລະ ຜູ້ເຂົ້າຫ້ອງ ເພາະພຽງແຕ່ກຳນົດສິດໃຫ້ຫ້ອງເປັນສາທາລະນະແລ້ວ ໃຜທີ່ມີລິ້ງຂອງຫ້ອງນີ້ ຍັງສາມາດເຂົ້າອອກໄດ້ຕາມໃຈ ໂດຍບໍ່ຈໍາກັດເວລາ ພຽງແຕ່ກຳນົດຈໍານວນຄົນເຂົ້າສູງສຸດທີ່ 50 ຄົນເທົ່ານັ້ນ

ດັ່ງນັ້ນ ໃນອີກມຸມໜຶ່ງ Rooms ແມ່ນຫ້ອງຂາຍສິນຄ້າທີ່ຜູ້ຊື້ ແລະ ຜູ້ຂາຍສາມາດມາລົມກັນໄດ້ແບບອິດສະຫຼະ ຕາມແຕ່ເຈົ້າຂອງຫ້ອງຈະກຳນົດ ແລະ ອາດເຮັດໃຫ້ການນິຍົມ Live ສົດຂາຍສິນຄ້າແບບເກົ່າໆ ມີທາງເລືອກໃນການລົມກັນກັບລູກຄ້າໄດ້ຫຼາຍຂຶ້ນ

ແນວໃດກໍ່ຕາມ, ການສົນທະນາໃນ Rooms ຍັງຕ້ອງຢູ່ພາຍໃຕ້ມາດຕະຖານຊຸມຊົນຂອງເຟສບຸກ ເຊິ່ງຫາກພົບສິ່ງຜິດປົກະຕິ ຫຼື ມີການໃຊ້ຟິວເຈິນີ້ ໄປໃນທາງທີ່ເໝາະສົມ ຜູ້ໃຊ້ເຟສບຸກທຸກຄົນມີໜ້າທີ່ແຈ້ງໃຫ້ທາງເຟສບຸກໄດ້ຮັບຮູ້ໂດຍກົງ ຈາກລິ້ງເທີ່ງໜ້າຈໍຂອງແຕ່ລະຄົນ

LEAVE A REPLY

Please enter your comment!
Please enter your name here