ເຖິງວ່າ ສປປ ລາວ ເຮົາ ຈະບໍ່ມີທາງອອກສູ່ທະເລ, ແຕ່ຖ້າເວົ້າເຖິງສະຖານທີ່ທ່ອງທ່ຽວ ທີ່ເປັນດັ່ງທະເລແຫ່ງເມືອງລາວ ທຸກຄົນກໍ່ຕ້ອງຄິດເຫັນ“ທ່າລາດ”ເປັນແຫ່ງທຳອິດ 

ທ່າລາດ ຕັ້ງຢູ່ ເມືອງແກ້ວອຸດົມ ແຂວງວຽງຈັນ ຫ່າງຈາກ ນະຄອນຫຼວງວຽງຈັນ ປະມານ 75-80 Km ໂດຍໃຊ້ເວລາເດີນທາງປະມານ 1-2 ຊົ່ວໂມງ 

ທ່າລາດ ເຂື່ອນໄຟຟ້ານ້ຳງື່ມ1 ນອກຈາກຈະເປັນແຫຼງຜະລິດໄຟຟ້າແຫ່ງສຳຄັນຂອງ ສປປ ລາວ ແລ້ວ, ບົດບາດທາງດ້ານການທ່ອງທ່ຽວ ກໍ່ຍັງສາມາດສ້າງລາຍຮັບໃຫ້ແກ່ຊຸມຊົນໄດ້ 

ຄວາມງຽບສະຫງົບ ປະກອບກັບທິວທັດທຳມະຊາດຂອງດອນນ້ອຍໃຫ່ຍ ກາຍເປັນສະເໜ່ດືງດູດໃຈນັກທ່ອງທ່ຽວທັງພາຍໃນ ແລະ ຕ່າງປະເທດແບບບໍ່ຂາດສາຍ 

ເຮືອທ່ອງທ່ຽວ ແມ່ນໄດ້ຮັບຄວາມນິຍົມຫຼາຍຈາກນັກທ່ອງ ໂດຍຂະໜາດຂອງເຮືອ ແມ່ນຈະຂຶ້ນຢູ່ກັບຈຸດປະສົງຂອງນັກທ່ອງທ່ຽວ ແລະ ຄ່າບໍລິການກໍ່ຂຶ້ນກັບຂະໜາດຂອງເຮືອ ແລະ ພາຍໃນເຮືອຍັງມີອາຫານໃຫ້ບໍລິການ ເຊິ່ງສ່ວນຫຼາຍກໍ່ຈະແມ່ນເມນູປາ ທີ່ຫາໄດ້ຈາກເຂື່ອນນໍ້າງື່ມນີ້ເອງ 

ແນວໃດກໍ່ຕາມ, ເຂື່ອນນໍ້າງື່ມ 1 ນອກຈາກຈະເປັນແຫຼງຜະລິດໄຟຟ້າ ແລະ ແຫຼງທ່ອງທ່ຽວແລ້ວ. ຍັງມີຄວາມສຳຄັນໃນເລື່ອງຂອງຊົນລະປະທານ, ການປະມົງ, ການຜະລິດກະສິກຳ ສ້າງລາຍຮັບໃຫ້ປະຊາຊົນອີກດ້ວຍ

LEAVE A REPLY

Please enter your comment!
Please enter your name here