ຫຼັງຈາກທີ່ຄະນະສະເພາະກິດ ໄດ້ຜ່ອນຜັນມາດຕະການລົງ ເຮັດໃຫ້ບັນດາຫຼາຍໆກິດຈະກຳໄດ້ກັບມາຄືກຄື້ນຄືເກົ່າ  

ໂດຍສະເພາະຕະຫຼາດມືດ ແຄມຂອງ ຫຼື ສວນເຈົ້າອານຸວົງ ທີ່ບັນດາຮ້ານຕ່າງໆໄດ້ເລີ່ມກັບມາຂາຍເຄື່ອງແລ້ວ ໂດຍແມ່ຄ້າຂາຍເຄື່ອງຝາກຂອງຕ້ອນໄດ້ເລົ່າໃຫ້ທີມງານອິນໄຊລາວຟັງວ່າ: ຕົນເອງໄດ້ເລີ່ມກັບມາຂາຍໄດ້ 4 ມື້ແລ້ວ, ເຊິ່ງເຄື່ອງກໍ່ຍັງໄດ້ຂາຍຢູ່ ແຕ່ຂາຍບໍ່ດີຄືແຕ່ກ່ອນເນື່ອງຈາກວ່າບໍ່ມີຊາວຕ່າງປະເທດເຂົ້າມາທ່ຽວ ມີພຽງຄົນຕ່າງປະເທດທີ່ຍັງຕົກຄ້າງຢູ່ລາວເທົ່ານັ້ນ 

ແລະ ບາງຄົນກໍ່ເວົ້າວ່າ: ຄົນລາວເຮົາເອງ ກໍ່ມາເລາະຊື້ເຄື່ອງຢູ່ ໂດຍສະເພາະແມ່ນປະເພດເສື້ອຜ້າ ເກີບ ອຸປະກອນໂທລະສັບ ແມ່ນຍັງໄດ້ຂາຍດີຢູ່  

ສ່ວນບັນດາອາຫານແຄມທາງກໍ່ແມ່ນຍັງຂາຍໄດ້ຢູ່ ແຕ່ຂາຍບໍ່ດີຄືກັບເມື່ອກ່ອນ ເພາະລູກຄ້າສ່ວນຫຼາຍກໍ່ແມ່ນຄົນລາວເຮົາ ສ່ວນຄົນຕ່າງປະເທດແມ່ນຍັງມີຢູ່ ແຕ່ບໍ່ຫຼາຍຄືກັບຕອນບໍ່ທັນມີໂຄວິດ-19 

ແນວໃດກໍ່ຕາມ, ເຖິງວ່າຕະຫຼາດມືດຈະເປີດໃຫ້ບໍລິການແລ້ວ ແຕ່ສິ່ງທີ່ເພີ່ມມາແມ່ນ ຈຸດລ້າງມື ແລະ ທີມງານໜ່ວຍກູ້ໄພ ທີ່ມາບໍລິການສະເປຂ້າເຊື້ອຢູ່ຕາມແຕ່ລະຈຸດ

LEAVE A REPLY

Please enter your comment!
Please enter your name here