ເຈນນີ້ ຕົ້ນຄໍາ ພົນຈັນເຮືອງ Miss World Laos 2017 ແລະ ປໍ້ ກັນລະຍານີ Miss Queen Laos 2019 ໄດ້ເຂົ້າຮ່ວມກິດຈະກຳ ບໍລິຈາກເລືອດ ທີ່ສູນການຄ້າລາວ-ໄອເຕັກ, ນອກຈາກນີ້ ພາຍໃນງານ ຍັງມີນ້ອງໆນັກຮຽນຈາກຫຼາກຫຼາຍໂຮງຮຽນ ທີ່ໄດ້ມາຮ່ວມກັນບໍລິຈາກເລືອດ ທັງນີ້, ກິດຈະກຳດັ່ງກ່າວແມ່ນຈັດຂຶ້ນເພື່ອເປັນການສະເຫຼີມສະຫຼອງວັນຜູ້ບໍລິຈາກເລືອດໂລກ ພາຍໃຕ້ຄໍາຂວັນ ເລືອດປອດໄພຊ່ວຍໃຫ້ຄົນເຈັບປອດໄພ  ບໍລິຈາກເລືອດປະກອບສ່ວນເຮັດໃຫ້ສັງຄົມມີສຸຂະພາບທີ່ດີ

ສຳລັບວັນຜູ້ບໍລິຈາກເລືອດໂລກ ໄດ້ກຳນົດເອົາວັນທີ 14 ມິຖຸນາ ຂອງທຸກໆປີ ໂດຍໄດ້ຖືກຮັບຮອງ ແລະ ຕົກລົງໃນກອງປະຊຸມສະມັດຊາໃຫ່ຍ ອົງການອະນາໄມໂລກ ໃນປີ 2005 ເພື່ອສະແດງ ແລະ ຮູ້ບຸນຄຸນ ເຖິງຜູ້ບໍລິຈາກເລືອດໃນທົ່ວໂລກ ພ້ອມກັນນີ້ ຍັງເປັນການກະຕຸກຊຸກຍູ້ໃຫ້ທົ່ວສັງຄົມ ຮູ້ເຖິງຄວາມສໍາຄັນຂອງການບໍລິຈາກເລືອດ ແລະ ຮຽກຮ້ອງຕ້ອງການເລືອດປອດໄພ ເພື່ອຊ່ວຍເຫຼືອມະນຸດດ້ວຍກັນ  

LEAVE A REPLY

Please enter your comment!
Please enter your name here