ກອງປະກວດ Miss Teen Laos ໄດ້ອອກມາແຈ້ງການເລື່ອງ: ການແຕ່ງຕັ້ງຕໍາແໜ່ງ “Miss Teen Laos 2020” ຢ່າງເປັນທາງການ, ໂດຍໄດ້ແຕ່ງຕັ້ງ ນາງ ມະຍຸລີ ຊູຕັນນຸວົງ ຮອງອັນດັບ 1 Miss Teen Laos 2019 ຂຶ້ນຮັບຕຳແໜ່ງ ແລະ ປະຕິບັດໜ້າທີ່ເປັນ Miss Teen Laos 2020 ຢ່າງເປັນທາງການ ຕາມກົດລະບຽບຂອງກອງປະກວດ

ການຈັດການປະກວດ Miss Teen Laos ແມ່ນໄດ້ເລີ່ມຄັ້ງທໍາອິດໃນປີ 2019 ເຊິ່ງ ຮອບຕັດສິນຈັດຂຶ້ນທີ່ ສູນວາງສະແດງສິນຄ້າລາວ-ໄອເຕັກ ຄະນະກຳມະການຕັດສິນໄດ້ລົງຄະແນນເຫັນດີໃຫ້ ນາງ ໂສລະຍາ ລິນ ຄອນດີ ອາຍຸ 16 ປີ ດຳລົງຕຳແໜ່ງ Miss Teen Laos 2019, ຮອງອັນດັບ 1 ນາງ ມະຍຸລີ ຊູຕັນນຸວົງ ແລະ ຮອງອັນດັບ 2 ນາງ ແຮ່ນນ້າ ໂລເຊັ່ນບູ້ມ.

ສໍາລັບປີ 2020 ມີກໍານົດຈັດການປະກວດຮອບຄັດເລືອກເອົາ Miss Teen Laos 2020 ໃນວັນທີ 19 ເດືອນ ພຶດສະພາ 2020 ແຕ່ເນື່ອງຈາກວ່າໃນທ້າຍປີ 2019-2020 ໄດ້ມີວິກິດການລະບາດຂອງເຊື້ອໄວຣັສ COVID-19 ໃນທົ່ວໂລກ ລວມໄປເຖິງປະເທດລາວຂອງພວກເຮົາ ຈື່ງບໍ່ສາມາດຈັດການປະກວດຕາມກຳນົດໄດ້

ດັ່ງນັ້ນ, ທາງກອງປະກວດ ຈື່ງເຫັນສົມຄວນແຕ່ງຕັ້ງ ຮອງອັນດັບ 1 ນາງ ມະຍຸລີ ຊູຕັນນຸວົງ ຂຶ້ນຮັບຕຳແໜ່ງ ແລະ ປະຕິບັດໜ້າທີ່ເປັນ Miss Teen Laos 2020 ຢ່າງເປັນທາງການ ຕາມກົດລະບຽບຂອງກອງປະກວດ ໂດຍມີຜົນນັບຕັ້ງແຕ່ວັນທີ່ລົງລາຍເຊັນເປັນຕົ້ນໄປ ຈົນກວ່າຈະໄດ້ຈັດການປະກວດ ເພື່ອຄັດເລືອກ Miss Teen Laos 2021 ໃນອະນາຄົດ.

ຂໍ້ມູນ ແລະ ຮູບພາບ: ມີສທີນລາວ

LEAVE A REPLY

Please enter your comment!
Please enter your name here