ນຸ້ຍ ສຸພາພອນ ສົມວິຈິດ Miss Universe Laos 2017 ໄດ້ຮ່ວມສະແດງຊິຣີ້ເລື່ອງໃໝ່ ຈາກປະເທດໄທ  ທີ່ໄດ້ຖ່າຍທອດໃຫ້ໄດ້ຮັບຊົມຜ່ານທາງຊ່ອງຢູທູບ ບີເຊວ ໂປຣດັກຊັ້ນ (Bezel Production) ໂດຍ ນຸ້ຍ ໄດ້ຮັບບົດເປັນ ຊຸຕິມາ ທີ່ຕ້ອງໄດ້ຖິ້ມໜ້າທີ່ການງານ ເພື່ອຕ້ອງມາເບິ່ງແຍງອ້າຍທີ່ເປັນອັລໄຊເມີ ຮັບບົດໂດຍ ກ໋ອບ

ສຳລັບຊິຣີ້ເລື່ອງນີ້ ແມ່ນໄດ້ເລົ່າເລື່ອງຂອງຜູ້ຊາຍຄົນໜຶ່ງ ທີ່ເຮັດວຽກໜັກ ເພື່ອຫວັງວ່າຈະມີຊີວິດທີ່ດີໃນອະນາຄົດ ເພື່ອຄົນຮັກ ແລະ ນ້ອງສາວສຸດທີ່ຮັກ (ຊຸຕິມາ), ແຕ່ຕ້ອງຜິດຫວັງ ເມື່ອຜູ້ຊາຍຄົນດັ່ງກ່າວໄດ້ເຮັດວຽກຫຼາຍເກີນໄປ ເຮັດໃຫ້ບໍ່ມີເວລາໃຫ້ກັບຄົນທີ່ຮັກ ຈົນຜູ້ຍິງຄົນນັ້ນຖິ້ມລາວໄປ ແລ້ວສົ່ງຜົນໃຫ້ລາວເປັນພະຍາດຊືມເສົ້າ ແລະ ເປັນອັສໄຊເມີ, ຊຸຕິມາ ຫວັງວ່າອາການຂອງອ້າຍຈະດີຂຶ້ນ ເຮັດໃຫ້ຊຸຕິມາຕ້ອງເລືອກເສັ້ນທາງຊີວິດ ລະຫວ່າງເບິ່ງແຍງອ້າຍທີ່ບໍ່ສະບາຍ ກັບ ເດີນທາງຕາມຄວາມຝັນຂອງຕົນເອງ, ຄວາມຮັກທີ່ມີຕໍ່ອ້າຍ ແລະ ຄວາມສໍາເລັດ  ແມ່ນສິ່ງທີ່ນາງຕ້ອງຕັດສິນໃຈ

ບົດສະຫຼຸບຂອງຊຸຕິມາຈະເປັນແນວໃດ ແລະ ອ້າຍຂອງລາວຈະປິ່ນປົວຫາຍຈາກອາການອັລໄຊເມີຫຼືບໍ່ ທຸກຄົນສາມາດໄປຕິດຕາມໄດ້ທີ່ ຊ່ອງຢູທູບ ບີເຊວ ໂປຣດັກຊັ້ນ


ຮູບພາບ: Nui Souphaphone, Siamrath

LEAVE A REPLY

Please enter your comment!
Please enter your name here