ທ້າຍເດືອນທີ່ຜ່ານມາ, ຢູ່ສະໂມສອນຂອງເມືອງນ້ຳບາກ ແຂວງຫຼວງພະບາງ. ໄດ້ຈັດພິທີປະກາດເລື່ອນຊັ້ນໃຫ້ນາຍ ແລະ ພົນຕຳຫຼວດ ແລະ ຊັບຊ້ອນພະນັກງານຈຳນວນໜຶ່ງ. ໂດຍການເປັນປະທານຂອງ ສະຫາຍ ພັນໂທ ຈັນທາ ພັນທະວົງ ຄະນະປະຈຳພັກເມືອງ ຫົວໜ້າກອງບັນຊາການປ້ອງກັນຄວາມສະຫງົບເມືອງ, ມີຫົວໜ້າ ຮອງຫົວໜ້າ ແລະ ພະນັກງານພາຍໃນກົມກອງເຂົ້າຮ່ວມ.

ພິທີໄດ້ຜ່ານຂໍ້ຕົກລົງ ຂອງກະຊວງປ້ອງກັນຄວາມສະຫງົບ ກົມໃຫຍ່ການເມືອງປ້ອງກັນຄວາມສະຫງົບ ວ່າດ້ວຍການເລື່ອນຊັ້ນໃຫ້ນາຍຕຳຫຼວດ ເລື່ອນຊັ້ນ ຮ້ອຍຕີ ຂຶ້ນຮ້ອຍໂທຈຳນວນ 6 ສະຫາຍ, ຍິງ 2 ສະຫາຍ. ເລື່ອນຊັ້ນ ວ່າທີຮ້ອຍຕີ ຂຶ້ນເປັນຊັ້ນ ຮ້ອຍຕີ ຈຳນວນ 2 ສະຫາຍ. ຂໍ້ຕົກລົງຂອງກອງບັນຊາການ ປກສ ແຂວງຫຼວງພະບາງ ວ່າດ້ວຍການເລື່ອນຊັ້ນໃຫ້ພົນຕຳຫຼວດ: ເລື່ອນຊັ້ນ ສິບໂທ ຂຶ້ນສິບເອກ ຈຳນວນ 1 ສະຫາຍ. ເລື່ອນຊັ້ນ ສິບຕີຂຶ້ນສິບໂທ ຈຳນວນ 1 ສະຫາຍ. ຂໍ້ຕົກລົງ ຂອງກອງບັນຊາການ ປກສ ເມືອງນ້ຳບາກ ວ່າດ້ວຍການຊັບຊ້ອນພະນັກງານທີ່ຈົບມາໃໝ່ ບັນຈຸເຂົ້າແຕ່ລະໜ່ວຍງານ ຄື: ປະຈຳຢູ່ພະແນກສຳມະໂນຄົວ ແລະ ກໍ່ສ້າງຮາກຖານ 1 ສະຫາຍ. ປະຈຳຢູ່ພະແນກພະລາ 1 ສະຫາຍ. ປະຈຳຢູ່ ປກສ ບໍລິການປະຊາຊົນກຸ່ມນາຍາງ 1 ສະຫາຍ. ປະຈຳຢູ່ທະນາຄານພັດທະນາລາວນ້ຳບາກ 1 ສະຫາຍ. ປະຈຳຢູ່ ປກສ ບໍລິການປະຊາຊົນກຸ່ມນ້ຳຖ້ວມ 1 ສະຫາຍ. ປະຈຳຢູ່ທະນາຄານການຄ້າຕ່າງປະເທດ ນ້ຳຖ້ວມ 1 ສະຫາຍ. ປະຈຳຢູ່ ປກສ ບໍລິການປະຊາຊົນກຸ່ມປາກມອງ 1 ສະຫາຍ. ປະຈຳຢູ່ໜ່ວຍງານສະກັດກັ້ນ ແລະ ຕ້ານຢາເສບຕິດ ພະແນກຕຳຫຼວດ 1 ສະຫາຍ. ປະຈຳຢູ່ໜ່ວຍງານສືບສວນ ສອບສວນຄະດີອາຍາ ພະແນກຕຳຫຼວດ 1 ສະຫາຍ.

ຕອນທ້າຍພິທີ ປະທານຍັງໄດ້ໃຫ້ກຽດໂອ້ລົມຕໍ່ຜູ້ທີ່ໄດ້ຮັບການເລື່ອນຊັ້ນ ແລະ ພະນັກງານທີ່ຊັບຊ້ອນມາຢູ່ໃໝ່ ໃຫ້ມີຄວາມຫ້າວຫັນ, ໜັກແໜ້ນ ຕໍ່ໜ້າທີ່ວຽກງານ, ມີຄວາມຮັບຜິດຊອບສູງຕໍ່ການຮັບຊ້ປະຊາຊົນ.

ທີ່ມາ: ຂ່າວສານຫຼວງພະບາງ

LEAVE A REPLY

Please enter your comment!
Please enter your name here