ຂຶ້ນ 15 ຄໍ່າເດືອນ 7 ຫຼື (ເດືອນ 7 ເພັງ) ຂອງທຸກໆປີ ແມ່ນບຸນປະເພນີ ບູຊານະມັດສະການພຣະທາດໂມລີ ບ້ານ ຈອມສີ ເມືອງໄຊເສດຖາ ນະຄອນຫຼວງວຽງຈັນ ໂດຍສຳລັບປີນີ້ ແມ່ນກົງກັບວັນທີ 5 ມິຖຸນາ 2020 ລາຍລະອຽດດັ່ງນີ້:​

ວັນສຸກ ຂຶ້ນ 15 ຄໍ່າເດືອນ 7 ກົງກັບວັນທີ 5 ມິຖຸນາ 2020

  • ເວລາ 04:00 ໂມງເຊົ້າ ມີພິທີບູຊາພຣະທາດດ້ວຍເຄື່ອງສັກກະຣະບູຊາຕ່າງໆ ແລະ ກ່າວຖວາຍເຄື່ອງບູຊາ
  • ເວລາກາງເວັນນັບແຕ່ເຊົ້າຮອດແລງ ຕ້ອນຮັບສັດທາຍາດໂຍມ ລູກເຜິ້ງຫລານທຽນຜູ້ມາສັກກະລະບູຊາຂາບໄຫວ້ ໂມທະນາຮ່ວມບຸນ ຕາມສົມຄວນ
  • ເວລາ 16:00 ໂມງ ເລີ່ມສູດມຸງຄຸນ ຟັງທັງ ແຫ່ບັ້ງໄຟບູຊາທາດ ວຽນທຽນຖວາຍດອກໄມ້ໝາກເບັງ

ວັນເສົາ ແຮມ 1 ຄໍ່າເດືອນ 7 ກົງກັບວັນທີ 6 ມິຖຸນາ 2020

  • ເວລາ 07:00 ໂມງເຊົ້າ ເລີ່ມຕັກບາດຖວາຍທານແດ່ພຣະສົງ ຫລັງຈາກນັ້ນ ແມ່ນຈູດບັ້ງໄຟບູຊາ ຕາມສົມຄວນ ແລະເລີກແລ້ວໃນວັນນັ້ນ

ວັດພຣະທາດໂມລີ ເປັນວັດທີ່ເກົ່າແກ່ເກືອບ 450 ປີ ຕາມການສັນນິຖານຂອງບັນດານັກປະຫວັດສາດ ຄາດວ່າສ້າງໃນສະໄໝພຣະເຈົ້າໄຊຍະເສດຖາທິຣາດ ກະສັດລ້ານຊ້າງ ຜູ້ສະຖາປານາເມືອງວຽງຈັນເປັນນະຄອນຫລວງຣາຊະທານີ, ພຣະອົງເປັນກະສັດທີ່ໃສ່ໃຈສາສະນູປະຖຳ ຄໍ້າຈູນວັດວາພຣະສົງ, ພຣະອົງຊົງໂປຣດໃຫ້ ສ້າງວັດ ສ້າງພຣະພຸດທະຮູບ ເຈດີ ຢ່າງຫລວງຫລາຍເກີນຈະນຳມາບັນຍາຍໄດ້.

LEAVE A REPLY

Please enter your comment!
Please enter your name here