ຫຼັງຈາກທີ່ຄະນະສະເພາະກິດ ໄດ້ຜ່ອນຜັນມາດຕະການ ໃນການປ້ອງກັນ ຄວບຄຸມ ສະກັດກັ້ນ ແລະ ແກ້ໄຂ ການລະບາດຂອງພະຍາດໂຄວິດ-19 ໂດຍອະນຸຍາດໃຫ້ເປີດຮ້ານນວດ ແລະ ສະປາ ທຸກປະເພດ ແຕ່ຕ້ອງມີການຮັກສາມາດຕະການ ການປ້ອງກັນ. ທັງນີ້, ຮ້ານນວດ 1111 ບ້ານໜອງບອນ ເມືອງໄຊເສດຖາ ນະຄອນຫຼວງວຽງຈັນ ໄດ້ມີຫຼາຍໆມາດຕະການໃຫ້ກັບລູກຄ້າທີ່ມາໃຊ້ບໍລິການ ແລະ ພະນັກງານພາຍໃນຮ້ານ

ທາງຮ້ານໄດ້ເປີດເຜີຍວ່າ ໃນຊ່ວງທີ່ມີການລະບາດຂອງພະຍາດໂຄວິດ-19 ທີ່ຜ່ານມາ ທາງຮ້ານຕ້ອງໄດ້ປິດຮ້ານ ເຮັດໃຫ້ທາງຮ້ານບໍ່ມີລາຍໄດ້ ພະນັກງານຫຼາຍຄົນຕ້ອງໄດ້ເດີນທາງກັບບ້ານເກີດ ເຊິ່ງຫຼັງຈາກໄດ້ຮັບອະນຸຍາດໃຫ້ເປີດຮ້ານໄດ້ນັ້ນ ກໍ່ດີໃຈຫຼາຍ ໂດຍທາງຮ້ານກໍ່ໄດ້ມີມາດຕະການປ້ອງກັນ ການລະບາດຂອງພະຍາດໂຄວິດ-19 ຕາມທີ່ຄະນະສະເພາະກິດໄດ້ກຳນົດໄວ້ຢ່າງເຄັ່ງຄັດ

ທັງນີ້ ໄດ້ມີການຈັດກຽມເຈວລ້າງມືແອວກໍຮໍ ໜ້າກາກອະນາໄມ ໃຫ້ກັບລູກຄ້າ  ຈັດຕຽງນວດເວັ້ນໄລຍະຫ່າງ ແລະ ມີການປ່ຽນຜ້າປູຕຽງທຸກໆຄັ້ງຫຼັງຈາກທີ່ລູກຄ້າມາໃຊ້ບໍລິການແລ້ວ ແລະ ທາງຮ້ານກໍ່ພ້ອມທີ່ຈະໃຫ້ຄວາມຮ່ວມມືກັບເຈົ້າໜ້າທີ່ເພື່ອປ້ອງກັນການລະບາດຂອງໂຄວິດ-19 ຢ່າງເຕັມທີ່

ເຊິ່ງ ສປປ ລາວ ເຮົາ ແມ່ນບໍ່ພົບຜູ້ຕິດເຊື້ອເປັນເວລາ 52 ວັນແລ້ວ ແລະມາຮອດວັນທີ 3 ມິຖຸນາ 2020 ກໍ່ມີຄົນເຈັບອອກໂຮງໝໍເພີ່ມອີກ 2 ຄົນ ເຊິ່ງໝາຍຄວາມວ່າປະຈຸບັນຍັງຄົນເຈັບທີ່ຮັບການຮັກສາພຽງຄົນດຽວເທົ່ານັ້ນ

LEAVE A REPLY

Please enter your comment!
Please enter your name here