ກົມປູກຝັງ ກະຊວງກະສິກຳ ແລະ ປ່າໄມ້ ໄດ້ຮ່ວມກັບພາກສ່ວນທີ່ກ່ຽວຂ້ອງ ຈັດພິທີປູກຕົ້ນໄມ້ ຕອນເຊົ້າຂອງວັນທີ 1 ມິຖຸນາ 2020 ທີ່ສວນພຶກສາສາດຫ້ວຍຍາງ-ດົງໝາກຄາຍ, ເມືອງໄຊທານີ, ນະຄອນຫຼວງວຽງຈັນ 

ເຊິ່ງໄດ້ມີການປູກເບ້ຍໄມ້ທັງໝົດ 1.200 ເບ້ຍ ປະກອບມີໄມ້ດູ້, ໄມ້ແຕ້ຄ່າ ແລະ ໄມ້ຍາງ ປູກໃນເນື້ອທີ 3 ເຮັກຕາ. ພິທີປູກແມ່ນເລີ່ມແຕ່ເວລາ6 ໂມງເຊົ້າ ເປັນຕົ້ນໄປ ໂດຍການເປັນປະທານຂອງ ທ່ານລັດຖະມົນຕີກະຊວງກະສິກໍາ ແລະ ປ່າໄມ້ ແລະ ທ່ານລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ 

ພ້ອມທັງຜູ້ເຂົ້າຮ່ວມຈາກກະຊວງ ແລະ ກົມກອງທີ່ກ່ຽວຂ້ອງລວມ 236 ທ່ານ. ສປປ ລາວ ວາງແຜນ ປູກຕົ້ນໄມ້ ໃຫ້ໄດ້ 11 ລ້ານຕົ້ນ ໃນເນື້ອທີ່ 10,000 ຮຕ ເພື່ອໃຫ້ມີເນື້ອທີ່ປ່າປົກຫຸ້ມ 70% ຂອງເນື້ອທີ່ທົ່ວປະເທດ ໃນທ້າຍປີ 2020 ແລະ ບັນລຸເປົ້າໝາຍການຟື້ນຟຸເຂດປ່າໃຫ້ໄດ້400.000 ເຮັກຕາ ພ້ອມທັງຟື້ນຟູເນື້ອທີ່ປ່າທີ່ຖືກຜົນກະທົບຈາກໄຟໄໝ້ປ່າໃນແຂວງອຸດົມໄຊ, ຫຼວງນ້ຳທາ, ຫຼວງພະບາງ ແລະ ຜົ້ງສາລີ ໃນເດືອເມາສາທີ່ຜ່ານມາ. 

ທີ່ມາ: ວຽງຈັນທາຍ

LEAVE A REPLY

Please enter your comment!
Please enter your name here