ຊົ້ວຂີ້ເຫຼົ້າ ເປັນອາຫານກິນຫຼີ້ນ ຂອງປະຊາຊົນທາງພາກໃຕ້ໂດຍສະເພາະກໍ່ແມ່ນ ສາລະວັນ ຈໍາປາສັກ ເຊກອງ ແລະ ອັດຕະປື (ແຂວງໃດມີອີກ ແນະນຳມາແດ່ເດີ້) ສ່ວນປະກອບຫຼັກໆຂອງຊົ້ວຂີ້ເຫຼົ້າແມ່ນຈະໄດ້ມາຈາກ ການຕົ້ມເຫຼົ້າຂາວ ໂດຍຈະນໍາເອົານໍ້າເຂົ້າໜຽວ ທີ່ເຫຼືອຈາກການຕົ້ມເຫຼົ້າມາກ່ອງເອົາແຕ່ນໍ້າສີຂາວ ທີ່ມີລົດຊາດສົ້ມໆ ແລະ ຫອມກິ່ນເຂົ້າໜຽວ

ສໍາລັບວິທີເຮັດ ແມ່ນແຕກຕ່າງກັນໄປຕາມແຕ່ລະເຂດ ແລະ ວັດຖຸດິບທີ່ຫາໄດ້ ມື້ນີ້ເຮົາຈະມາແຈກສູດສໍາລັບຄົນເມືອງໃຫ່ຍ ທີ່ຫາຂີ້ເຫຼົ້າບໍ່ໄດ້ ມາແນະນໍາ ເຊິ່ງເຮົາຈະໃຊ້ນໍ້າໝາກຂາມປຽກ ແທນນໍ້າຂີ້ເຫຼົ້າ

ສ່ວນປະກອບ: ນໍ້າໝາກຂາມປຽກທີ່ຕົ້ມແລ້ວ (ພັກໃຫ່ຍເຢັນ), ໝາກຫຸ່ງພັກເປັນເສັ້ນໆ ໝາກຖົ່ວຊ່ອຍ, ຜັກຊີ, ໝາກເຜັດສຸກ, ຫອມລາບ, ຫອມປອມ, ປາແກ້ວນ້ອຍ(ສຸກແລ້ວ) ເຂົ້າຂົ້ວ, ໝາກເຜັດປົ່ນ

ວິທີເຮັດນ້ຳຂີ້ເຫຼົ້າ: ເອົານໍ້າໝາກຂາມປຽກທີ່ກຽມໄວ້ ມາປະສົມກັບເຂົ້າຂົວ ປາແດກ ເກືອ ແປ້ງນົວ (ຕາມໃຈມັກ) ຫຼືຈະຕໍາປາແກ້ວໃສ່ນໍ້າກໍ່ໄດ້ ປະສົມສ່ວນປະກອບທັງໝົດໃຫ້ເຂົ້າກັນດີ

ຫຼັງຈາກນັ້ນ ເອົາເຫຍື່ອທີ່ກຽມໄວ້ລົງໄປ ເປັນຕົ້ນແມ່ນ ໝາກຫຸ່ງ, ໝາກຖົ່ວຊ້ອຍ, ຜັກຊີ, ໝາກເຜັດສຸກ, ຫອມລາບ, ຫອມປອມ ແລະ ປາແກ້ວ ປະສົມທັງ 2 ສ່ວນເຂົ້າກັນ ແລ້ວຊີມຣົດຊາດຕາມໃຈມັກ ກໍ່ຖືວ່າຮຽບຮ້ອຍແລ້ວ.

LEAVE A REPLY

Please enter your comment!
Please enter your name here