ຕອນເຊົ້າວັນທີ 27 ພຶດສະພາ 2020 ທີ່ ພະແນກກະສິກໍາ ແລະ ປ່າໄມ້ ນະຄອນຫຼວງວຽງຈັນ, ບ້ານໜອງໄຮ, ເມືອງຫາດຊາຍຟອງ ໄດ້ມີພິທີເປີດງານຕະຫຼາດນັດ ກະສິກຳສະອາດ ແລະ ຈຳໜ່າຍເບ້ຍໄມ້ ປະຈຳປີ 2020 ໂດຍການເຂົ້າຮ່ວມຂອງ ທ່ານ ພູຂົງ ບັນນາວົງ ຮອງເຈົ້າຄອງນະຄອນຫຼວງວຽງຈັນ, ມີບັນດາການນຳຂັ້ນກະຊວງ, ພະແນກ ແລະ ຂະແໜງການທີ່ກ່ຽວຂ້ອງເຂົ້າຮ່ວມ.

ງານຕະຫຼາດນັດໃນຄັ້ງນີ້ ຈະເປີດເປັນເວລາ 8 ວັນ ນັບແຕ່ວັນທີ 27 ພຶດສະພາ ຫາ 4 ມິຖຸນາ 2020, ໂດຍມີສິນຄ້າຈາກຫຼາຍພາກສ່ວນທັງພາກລັດ, ຜູ້ປະກອບການ, ກຸ່ມການຜະລິດ ເຊິ່ງມີທັງຜົນຜະລິດຈາກກຸ່ມກະສິກໍາອິນຊີ, ກຸ່ມການຜະລິດກະສິກໍາທີ່ດີ (GAP), ສິນຄ້າໂອດອບ, ກຸ່ມປຸງແຕ່ງຜະລິດຕະພັນກະສິກໍາ ແລະ ຜູ້ປະກອບການຜະລິດ ແລະ ຈໍາໜ່າຍເບ້ຍໄມ້ ເຂົ້າຮ່ວມລວມ 118 ຮ້ານ.

ບັນດາຮ້ານທີ່ເຂົ້າຮ່ວມໃນຄັ້ງນີ້ລວມມີ ກຸ່ມກະສິກໍາອິນຊີ (OA ) 12 ຮ້ານ; ກຸ່ມກະສິກຳທີ່ດີ ( GAP ) ແລະ ໂຄງການ 8 ຮ້ານ; ກຸ່ມການຜະລິດຜັກໄຮໂດຣໂປນິກ 5 ຟາມ; ກຸ່ມຜະລິດເຂົ້າເປັນສິນຄ້າ (ODOP ) 3 ຮ້ານ; ກຸ່ມປຸງແຕ່ງກະສິກໍາ 18 ຮ້ານ; ຮ້ານຊີ້ນ ແລະ ຂາຍຜະລິດຕະພັນສັດຕ່າງໆ 18 ຮ້ານ; ບໍລິສັດສົ່ງເສີມການຜະລິດພາຍໃນ ແລະ ສົ່ງອອກ 2 ຮ້ານ; ກຸ່ມຜະລິດເບ້ຍໄມ້ 22 ຮ້ານ ແລະ ຮ້ານອື່ນໆ ໂດຍຄາດຄະເນວ່າ ບັນດາສິນຄ້າທີ່ເຂົ້າຮ່ວມງານວາງສະແດງໃນຄັ້ງນີ້ ມີມູນຄ່າ 1,1 ຕື້ກີບ

ຂໍ້ມູນ ແລະ ຮູບພາບ: ໂທລະພາບນະຄອນຫຼວງວຽງຈັນ

LEAVE A REPLY

Please enter your comment!
Please enter your name here