ພະແນກກະສິກຳ ແລະ ປ່າໄມ້ ນະຄອນຫລວງວຽງຈັນ ກຽມຈັດຕະຫຼາດນັດກະສິກໍາສະອາດ ແລະ ຈໍາໜ່າຍເບັ້ຍໄມ້ ໃນລະຫວ່າງວັນທີ  27 ພຶດສະພາ- 4 ມິຖຸນາ 2020, ທີ່ເດີ່ນຫຼັງພະແນກ ກະສິກຳ ແລະ ປ່າໄມ້ ນະຄອນຫລວງວຽງຈັນ ຢູ່ ບ້ານໜອງໄຮ ເມືອງຫາດຊາຍຟອງ ນວ 

ໂດຍຈະມີຜູ້ປະກອບການທີ່ກ່ຽວຂ້ອງນຳເອົາເບັ້ຍໄມ້ ແລະ ຜະລິດຕະພັນທາງດ້ານກະສິກໍາທີ່ສະ​ອາດໄປວາງຈໍາໜ່າຍຫລາຍກ່ວາ 100 ຫົວໜ່ວຍ ແລະ ຄາດວ່າພາຍໃນງານຄັ້ງນີ້ຈະມີເງິນໝູນວຽນຫລາຍກ່ວາ 200 ລ້ານກີບ.

ທ່ານ ຫຼ້າສາຍ ນວນທາສິງ, ຫົວໜ້າພະແນກກະສິກໍາ ແລະ ປ່າໄມ້ ນະຄອນຫລວງວຽງຈັນໃຫ້ຮູ້ວ່າ: ການຈັດງານຄັ້ງນີ້ຖືເປັນກິດຈະກໍາໜຶ່ງເພື່ອສະເຫລີມສະຫຼອງ ແລະ ຊຸກຍູ້ສົ່ງເສີມຂະບວນການປູກຕົ້ນໄມ້ ຢູ່ນະຄອນຫລວງວຽງຈັນ ໃນໂອກາດວັນປູກຕົ້ນໄມ້ແຫ່ງຊາດ ວັນທີ1 ມິ​ຖຸນາ ທີ່ຈະມາຮອດນີ້. ໃຫ້ເປັນຂະບວນຟົດຟື້ນ ແລະ ເປັນການປະກອບສ່ວນເຮັດໃຫ້ຊັບພະຍາກອນປ່າໄມ້ໃນນະຄອນຫລວງວຽງຈັນ ກໍ່ຄືຢູ່ລາວ ນັບມື້ອຸດົມສົມບູນຂຶ້ນກ່ວາເກົ່າ

ທີ່ມາ: Lao National Radio

LEAVE A REPLY

Please enter your comment!
Please enter your name here