ກະຊວງສາທາລະນະສຸກ ເນັ້ນຍໍ້າ ການຜ່ອນຜັນມາດຕະການ ແມ່ນເຮັດເພື່ອຄວາມເປັນຢູ່ປະຊາຊົນ ແຕ່ປະຊາຊົນຍັງຕ້ອງປ້ອງກັນການຕິດເຊື້ອໂຄວິດ-19 ຢ່າງເຂັ້ມງວດ ແລະ ຕ້ອງໃສ່ໃຈປ້ອງກັນພະຍາດໄຂ້ຍຸງລາຍ ເຊິ່ງກໍ່ມີຄວາມຮຸນແຮງເຊັ່ນກັນ. 

ສືບເນື່ອງຈາກການຜ່ອນຜັນມາດຕະການໃຫ້ປະຊາຊົນເດີນທາງໄດ້ຕາມປົກກະຕິ ລວມເຖິງການເປີດດ່ານສາກົນໃຫ້ສາມາດ ຂໍອະນຸຍາດເດີນທາງເຂົ້າ ສປປ ລາວ ໄດ້ ຕາມເງື່ອນໄຂທີ່ລັດຖະບານກຳນົດ ໂດຍ ສປປ ລາວ ຈະບໍ່ມີຜູ້ຕິດເຊື້ອເພີ່ມຕິດຕໍ່ກັນເປັນເວລາ 40 ວັນແລ້ວ  ແຕ່ການຜ່ອນຜັນດັ່ງກ່າວ ກໍ່ເພີ່ມຄວາມສ່ຽງໃຫ້ເກີດການລະບາດຂອງພະຍາດໂຄວິດ-19 ຮອບສອງຂຶ້ນໄດ້ເຊັ່ນກັນ.

ຮສ. ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ກ່າວວ່າ: ການຜ່ອນຜັນມາດຕະການນີ້ ແມ່ນນະໂຍບາຍຂອງພັກ-ລັດຖະບານທີ່ເປັນຫ່ວງຕໍ່ຜົນກະທົບດ້ານຊີວິດການເປັນຢູ່ຂອງປະຊາຊົນ ແລະ ດ້ານເສດຖະກິດ-ສັງຄົມ ເຊິ່ງເປັນໂອກາດໃຫ້ພາກທຸລະກິດໄດ້ກັບຄືນມາດຳເນີນກິດຈະການ ຫຼື ດຳເນີນຊີວິດເປັນປົກກະຕິເທື່ອລະກ້າວ ແຕ່ພ້ອມດຽວກັນນີ້ ກໍ່ເປັນໂອກາດທີ່ຈະມີຄວາມສ່ຽງທີ່ຈະເກິດການລະບາດຮອບໃໝ່ ຖ້າຫາກວ່າພວກເຮົາບໍ່ປະຕິດບັດວິທີການປ້ອງກັນການຕິດເຊື້ອຢ່າງເຂັ້ມງວດ ໂດຍສະເພາະຢູ່ສະຖານທີ່ໃຫ້ບໍລິການ, ພະຫະນະໃຊ້ບໍລິການ, ຜູ້ໃຫ້ບໍລິການ ແລະຜູ້ມາໃຊ້ບໍລິການ ເປັນຕົ້ນແມ່ນ: ການປະຕິດບັດຫຼັກການອະນາໄມ, ກາຮທຳຄວາມສະອ່ດຂ້າເຊື້ອພະຍາດຢູ່ສະຖານທີ່ບໍລິການ, ການແທກອຸນຫະພູມຮ່າງກາຍ, ການລ້າງມືດ້ວຍນ້ຳສະອາດໃສ່ສະບູ ຫຼືໃຊ້ເຈວລ້າງມື, ການປະຕິດບັດໄລຍະຫ່າງທາງສັງຄົມ, ບໍ່ໃຫ້ມີການແອອັດ, ການໃສ່ຜ້າປິດປາກ-ດັງ ເວລາອອກຈາກບ້ານ ຫຼື ໄປສະຖານທີ່ ທີ່ມີຄວາມສ່ຽງຕໍ່ການຕິດເຊື້ອ ທັງໝົດນີ້ໃຫ້ກາຍເປັນຄວາມຊິນເຄີຍໃນກາຮດຳລົງຊີວິດປະຈຳວັດ ພວກເຮົາຈື່ງຈະສາມາດສະກັດກັ້ນການລະບາດຂອງພະຍາດໂຄວິດ-19 ບໍ່ໃຫ້ກັບຄືນມາຮອບໃໝ່

ນອກຈາກນີ້, ປະຈຸບັນກຳລັງເກີດການປ່ຽນແປງເຂົ້າສູ່ລະດູຝົນ ເຮັດໃຫ້ປະຊາຊົນຕ້ອງໄດ້ໃສ່ໃຈການປ້ອງກັນພະຍາດຕາມລະດູ ເຊັ່ນ: ຖອກທ້ອງ, ໄຂ້ຫວັດ, ໝາກແດງ, ມາລາເຣຍ ແລະ ໄຂ້ຍຸງລາຍ ໂດຍສະເພາະໄຂ້ຍຸງລາຍ ນັບວ່າເປັນພະຍາດທີ່ຮຸນແຮງໃນບ້ານເຮົາ ແລະ ເຮັດໃຫ້ມີຜູ້ເສຍຊີວິດຫຼາຍໃນປີ 2019 ທີ່ຜ່ານມາ, ມີຜູ້ຕິດເຊື້ອໄຂ້ຍຸງລາຍສູງເຖິງ 39,091 ຄົນ ແລະ ເສຍຊີວິດ  76 ຄົນ

ສຳລັບປີນີ້, ປະຈຸບັນ ( 21 ພຶດສະພາ 2020 ) ສປປ ລາວ 

ມີຜູ້ຕິດເຊື້ອໄຂ້ຍຸງລາຍແລ້ວ 1,299 ຄົນ ແລະ ມີຜູ້ເສຍຊີວິດແລ້ວ 3 ຄົນ ໂດຍເປັນຄົນ ນະຄອນຫຼວງວຽງຈັນ ໄຊຍະບູລີ ແລະ ຄຳມ່ວນແຂວງລະ 1 ຄົນ

ດັ່ງນັ້ນ, ກະຊວງສາທາລະນະສຸກ ຈື່ງຮຽກຮ້ອງໃຫ້ປະຊາຊົນໃສ່ໃຈ ແລະ ຂໍຄວາມຮ່ວມມືຈາກ ປະຊາຊົນບັນດາເຜົ່າ ຈົ່ງໄດ້ເປັນເຈົ້າພາບໃນກາຮທຳລາຍແຫຼ່ງເພາະພັນຍຸງລາຍ ແລະ ນຳພາລູກຫຼານໄປສັກຍາກັນພະຍາດຕາມຕາລາງສັກຢາ

LEAVE A REPLY

Please enter your comment!
Please enter your name here