ຄະນະຄຸ້ມຄອງ ເຂດເສດຖະກິດພິເສດ ແຂວງບໍ່ແກ້ວ, ໄດ້ສົມທົບ ກັບ ສະພາບໍລິຫານເຂດເສດຖະກິດ ພິເສດສາມຫຼຽມຄຳ ແລະ ໜ່ວຍງານທີ່ກ່ຽວຂ້ອງ ເພື່ອສົ່ງແຮງງານຄົນຈີນທີ່ໝົດສັນຍາການເຮັດວຽກ, ຕົກຄ້າງຢູ່ເຂດເສດຖະກິດພິເສດສາມຫຼຽມຄໍາ  ຈໍານວນ 354 ຄົນ, ຍິງ 48 ຄົນ ກັບຄືນປະເທດ

ເນື່ອງຈາກໃນທົ່ວໂລກໄດ້ຮັບຜົນກະທົບຈາກພະຍາດໂຄວິດ 19  ເຂດເສດຖະກິດພິເສດສາມຫຼຽມຄຳ ແຂວງບໍ່ແກ້ວ ໄດ້ປະຕິບັດມາດຕະການ ຢ່າງເຂັ້ມງວດ ເພື່ອປ້ອງກັນ ແລະ ຄວບຄຸມ ການລະບາດຂອງພະຍາດດັ່ງກ່າວ.

ໂດຍສະເພາະທາງເຂດເສດຖະກິດພິເສດ ກໍໄດ້ປິດກິດຈະການຊົ່ວຄາວໄລຍະໜຶ່ງ,  ຫ້າມຄົນບໍ່ໃຫ້ເຂົ້າ, ບໍ່ໃຫ້ອອກ ຖ້າບໍ່ໄດ້ຮັບການອະນຸຍາດ, ຈຶ່ງໄດ້ເຮັດໃຫ້ຈໍານວນຄົນດັ່ງກ່າວຕົກຄ້າງມາເປັນເວລາເກືອບ 2 ເດືອນ.

ມາຮອດວັນທີ ວັນທີ 19-20 ພຶດສະພາ ທີ່ຜ່ານມານີ້, ຈຶ່ງໄດ້ຈັດສົ່ງແຮງງານຈີນກັບຄືນປະເທດ ໂດຍຄວາມສະໝັກໃຈ ແລະ  ເດີນທາງກັບດ້ວຍລົດຕູ້ ຜ່ານດ່ານສາກົນບໍເຕນ ແຂວງຫຼວງນໍ້າທາ.

ທັງນີ້, ກໍ່ເພື່ອຮັບປະກັນ ໃຫ້ແກ່ການຈັດຕັ້ງປະຕິບັດ ມາດຕະການຜ່ອນຜັນ ຄໍາສັ່ງຂອງນາຍົກລັດຖະມົນຕີ, ອະນຸຍາດໃຫ້ຊາວຕ່າງຊາດ ທີ່ມາເຮັດວຽກ ອອກແຮງງານ ແລະ ທ່ອງທ່ຽວ ຢູ່ແຂວງບໍ່ແກ້ວ ສາມາດກັບຄືນປະເທດຂອງຕົນເອງໄດ້ຕາມຈຸດປະສົງ

ຂໍ້ມູນ: Medialaos

LEAVE A REPLY

Please enter your comment!
Please enter your name here