ຫຼັງຈາກທີ່ສະຖານະການ ການແຜ່ລະບາດຂອງພະຍາດໂຄວິດ-19 ໃນບ້ານເຮົາຜ່ອນຄາຍລົງ ເຮັດໃຫ້ລັດຖະບານ ໄດ້ມີການຜ່ອນຜັນບາງມາດຕະການລົງ ເຊິ່ງໃນນັ້ນແມ່ນອະນຸຍາດໃຫ້ເດີນທາງພາຍໃນປະເທດໄດ້ ຫຼັງຈາກນັ້ນ ການບິນລາວ ກໍ່ໄດ້ປະກາດກັບມາໃຫ້ບໍລິການຄືນ ໂດຍຈະເລີ່ມບິນຖ້ຽວທຳອິດ ເສັ້ນທາງບິນ ນະຄອນຫຼວງວຽງຈັນ-ນະຄອນປາກເຊ

ສຳລັບຕາຕະລາງ ແຜນການບິນ ແມ່ນມີດັ່ງນີ້: ເສັ້ນທາງບິນ ນະຄອນຫຼວງວຽງຈັນ-ປາກເຊ 4 ຖ້ຽວບິນຕໍ່ອາທິດ, ເສັ້ນທາງບິນ ນະຄອນຫຼວງວຽງຈັນ-ນະຄອນຫຼວງພຣະບາງ 4 ຖ້ຽວບິນຕໍ່ອາທິດ, ເສັ້ນທາງບິນ ນະຄອນຫຼວງວຽງຈັນ-ສະຫວັນນະເຂດ 3 ຖ້ຽວບິນຕໍ່ອາທິດ, ນະຄອນຫຼວງວຽງຈັນ-ຊຽງຂວາງ 3 ຖ້ຽວບິນຕໍ່ອາທິດ, ນະຄອນຫຼວງວຽງຈັນ-ອຸດົມໄຊ 3 ຖ້ຽວບິນຕໍ່ອາທິດ ແລະ ນະຄອນຫຼວງວຽງຈັນ-ຫຼວງນໍ້າທາ 4 ຖ້ຽວບິນຕໍ່ອາທິດ ທັງນີ້ ເສັ້ນທາງບິນດັ່ງກ່າວແມ່ນ ກຳນົດບິນຕັ້ງແຕ່ວັນທີ 22  ຫາ 31  ພຶດສະພາ ນີ້ເທົ່ານັ້ນ ຫຼັງຈາກນັ້ນ ອາດຈະມີການປ່ຽນແປງ

ຈາກການສອບຖາມພະນັກງານຂາຍປີ້ໃຫ້ຮູ້ວ່າ ມີຜູ້ໂດຍສານໄດ້ຈອງປີ້ເຮືອບິນລ່ວງໜ້າຕັ້ງແຕ່ວັນທີ 18 ພຶດສະພາ 2020 ເປັນຕົ້ນມາ. ສ່ວນລາຄາປີ້ເຮືອບິນ ປົກກະຕິແມ່ນ ນະຄອນຫຼວງວຽງຈັນ-ປາກເຊ 1,590,000 ກີບ (ໄປ-ກັບ), ນະຄອນຫຼວງວຽງຈັນ-ສະຫວັນນະເຂດ 1,270,000 ກີບ (ໄປ-ກັບ), ນະຄອນຫຼວງວຽງຈັນ-ຊຽງຂວາງ 1,180,000 ກີບ (ໄປ-ກັບ), ສ່ວນ ນະຄອນຫຼວງວຽງຈັນ-ນະຄອນຫຼວງພຣະບາງ,ນະຄອນຫຼວງວຽງຈັນ-ອຸດົມໄຊ, ນະຄອນຫຼວງວຽງຈັນ-ຫຼວງນໍ້າທາ ແມ່ນ 1,380,000 ກີບ

ແນວໃດກໍ່ຕາມ,​ ທາງສາຍບິນກໍ່ໄດ້ມີການກຳນົດມາດຕະການອອກມາ ທັງໝົດ 7 ມາດຕະການ ເພື່ອເພີ່ມຄວາມໝັ້ນໃຈໃຫ້ກັບລູກຄ້າໃນການເດີນທາງ ທັງນີ້, ກໍ່ເພື່ອເປັນການປະຕິບັດຕາມມາດຕະການທີ່ລັດຖະບານໄດ້ວາງອອກຢ່າງເຂັ້ມງວດ

LEAVE A REPLY

Please enter your comment!
Please enter your name here