ສປປ ລາວ ຂອງພວກເຮົາ ບໍ່ມີຜູ້ຕິດເຊື້ອມາເປັນເວລາເດືອນກວ່າໆແລ້ວ ແຕ່ດ້ວຍຄວາມເປັນຫ່ວງເປັນໃຍຂອງຂັ້ນເທິງກໍຄືພາກສ່ວນກ່ຽວຂ້ອງ ຈື່ງໄດ້ຈັດກອງປະຊຸມສຳມະນາ ພາຍໃຕ້ຫົວຂໍ້ “ໃຊ້ຊີວິດປົກກະຕິແບບໃໝ່ທີ່ປອດໄພ” (New Normal) ຂຶ້ນ ໃນວັນທີ 20 ພຶດສະພາ 2020 ຈັດໂດຍ ສູນສື່ສານເພື່ອ ສຸຂະພາບ ແລະ ສຸກຂະສຶກສາໄດ້ ຮ່ວມກັບອົງການອະນາໄມໂລກ

ໂດຍການເຂົ້າຮ່ວມ ຂອງ ທ່ານ ວິສິດ ຄໍາລືຊາ ຫົວໜ້າ ສູນສື່ສານເພື່ອສຸຂະພາບ ແລະ ສຸກຂະສຶກສາ, ທ່ານ ດຣ ນາງຈິດສະຫວ່າງ ຈັນທະວີສຸກ ວິຊາ ການພະຍາດຕິດຕໍ່ທີ່ເກີດຈາກພາຫະນະນໍາເຊື້ອ (ພະຍາດມາລາເຣຍ) ຈາກອົງການອະນາໄມ ໂລກ, ມີພາກສ່ວນກ່ຽວຂ້ອງຈາກ ອົງການອະນາໄມໂລກ ແລະ ສື່ມວນຊົນເຂົ້າຮ່ວມ.

ທ່ານ ດຣ ນາງ ຈິດສະຫວ່າງ ຈັນທະວີສຸກ ໄດ້ອະທິບາຍຄວາມ ໝາຍຂອງການໃຊ້ຊີວິດປົກກະຕິແບບໃໝ່ທີ່ປອດໄພໃຫ້ສື່ມວນ ຊົນເພື່ອໄປເຜີຍແຜ່ໃຫ້ປະຊາຊົນລາວໄດ້ຮັບຮູ້ ແລະ ເຂົ້າໃຈຢ່າງທົ່ວເຖິງໃນການໃຊ້ຊີວິດປົກກະຕິແບບໃໝ່ທີ່ປອດໄພ ເຊິ່ງແມ່ນການໃຊ້ຊີວິດແບບມີສະຕິບໍ່ຕ້ອງເມີນເສີຍຕໍ່ຄໍາສັ່ງຂອງຂັ້ນເທິງວາງອອກ, ເປັນຕົ້ນແມ່ນຕ້ອງໝັ່ນລ້າງ ມືໃສ່ສະບູ, ລ້າງມືດ້ວຍນໍ້າສະ ອາດ, ໃຊ້ເຈວລ້າງມື, ມີມາລະ ຍາດໃນການໄອ-ຈາມທຸກຄັ້ງ ຕ້ອງປິດປາກ-ປິດດັງດ້ວຍເຈ້ຍ ທິດຊູ ຫຼື ແຂນສອກ ຫຼັງຈາກ ນັ້ນລ້າງມືໃຫ້ສະອາດ, ຮັກສາ ໄລຍະຫ່າງ 1 ແມັດ, ຫຼີກລ້ຽງ ການຢູ່ຮ່ວມກັນແບບເປັນກຸ່ມ, ຢູ່ໃນສະຖານທີ່ ທີ່ມີອາກາດປອດ ໂປ່ງ, ຕ້ອງອະນາໄມ ແລະ ຂ້າ ເຊື້ອບ່ອນຢູ່ອາໄສເປັນປະຈໍາ, ວັດແທກອຸນຫະພູມຂອງຮ່າງກາຍເປັນປະຈໍາ ແລະ ທີ່ສໍາຄັນ ຕ້ອງປະຕິບັດຄໍາສັ່ງຂອງຂັ້ນເທິງ ວາງອອກຢ່າງເຂັ້ມງວດ, ທຸກຄົນ ຕ້ອງເປັນເຈົ້າການນໍາກັນ, ຫຼີກ ລ້ຽງການບໍລິໂພກຂ່າວປອມ ແລະ ຫຼີກລ້ຽງການຢູ່ຮ່ວມກັນແບບ ແອອັດ ເຖິງວ່າ ສປປ ລາວ ເຮົາ ບໍ່ມີຜູ້ຕິດເຊື້ອຫຼາຍວັນຕິດຕໍ່ກັນ ແຕ່ຂໍໃຫ້ທຸກຄົນຢ່າໄດ້ຖືເບົາໃນ ການປ້ອງກັນຕົວເອງ, ທຸກຄົນຕ້ອງເປັນເຈົ້າການປະຕິບັດນໍາກັນເພື່ອຄວາມປອດໄພຂອງຕົວເອງ ແລະ ຄົນທີ່ທ່ານຮັກ ຖ້າຫາກມີການລະບາດອີກຮອບ 2 ຈະຮັບມື ແລະ ແກ້ໄຂບໍ່ທັນອາດ ຈະພາໃຫ້ເກີດຜົນເສຍຫາຍຫຼາຍກວ່າເກົ່າ.

ຂໍ້ມູນ: Lao People’s Army News

LEAVE A REPLY

Please enter your comment!
Please enter your name here