ວັນທີ 20 ພຶດສະພາ 2020, ສູນສື່ສານເພື່ອສຸຂະພາບ ແລະ ສຸຂະສຶກສາ ກະຊວງສາທາລະນະສຸກ ໄດ້ເປີດເຜີຍຍອດຜູ້ຕິດເຊື້ອພະຍາດໄຂ້ຍຸງລາຍ ໂດຍໄດ້ອັບເດດຫຼ້າສຸດໃນວັນທີ 19 ພຶດສະພາ 2020 ເຊິ່ງຍອດຜູ້ຕິດເຊື້ອສະສົມ ແມ່ນ 1,254 ຄົນ ໃນນີ້ ນະຄອນຫຼວງວຽງຈັນແມ່ນມີຜູ້ຕິດເຊື້ອສູງເຖິງ 333 ຄົນ ຮອງລົງມາແມ່ນແຂວງອັດຕະປື 186 ຄົນ

ເຖິງວ່າຫຼາຍໆພາກສ່ວນຈະເອົາໃຈໃສ່ກັບບັນຫາການລະບາດຂອງພະຍາດໂຄວິດ-19 ຢູ່ກໍ່ຕາມ ແຕ່ອີກໜຶ່ງພະຍາດທີ່ຮ້າຍແຮງໃນຊ່ວງນີ້ ກໍ່ແມ່ນ ໄຂ້ຍຸງລາຍ ເຊິ່ງທາງພາກລັດກໍ່ໄດ້ມີການເອົາໃຈໃສ່ຢ່າງຕໍ່ເນື່ອງ

ໂດຍທາງສູນສື່ສານເພື່ອສຸຂະພາບ ແລະ ສຸຂະສຶກສາ ກະຊວງສາທາລະນະສຸກ ໄດ້ອອກມາເປີດເຜີຍຫຼ້າສຸດວ່າ: ນັບແຕວັນທີ 28 ທັນວາ 2019 ຫາ ວັນທີ 19 ພຶດສະພາ 2020 ໄດ້ມີຜູ້ຕິດເຊື້ອພະຍາດໄຂ້ຍຸງລາຍແລ້ວ ເຖິງ 1,254 ຄົນ ແລະ ເສຍຊີວິດແລ້ວ 2 ຄົນ

ສຳລັບແຂວງທີ່ພົບຜູ້ຕິດເຊື້ອຫຼາຍກວ່າໝູ່ແມ່ນ ນະຄອນຫຼວງວຽງຈັນ ທີ່ມີຜູ້ຕິດເຊື້ອສະສົມແລ້ວ 333 ຄົນ, ຮອງລົງມາແມ່ນແຂວງອັດຕະປື ທີ່ມີຜູ້ຕິດເຊື້ອສະສົມແລ້ວ 186 ຄົນ ສ່ວນແຂວງທີ່ຍັງບໍ່ມີລາຍງານຜູ້ຕິດເຊື້ອພະຍາດດັ່ງກ່າວແມ່ນ ຫົວພັນ ແລະ ຊຽງຂວາງ

ແນວໃດກໍ່ຕາມ, ໃນໄລຍະນີ້ຝົນເລີ່ມຕົກແນ່ແລ້ວ ເພື່ອປ້ອງກັນບໍ່ໃຫ້ພະຍາດນີ້ແຜ່ລາມອອກໄປເປັນວົງກວ້າງ ທຸກຄົນຕ້ອງເປັນເຈົ້າການ ໃນການປ້ອງກັນ ຄຽງຄູ່ກັບກ ານປະຕິບັດ 5 ປໍ ທີ່ກະຊວງສາທາລະນະສຸກວາງອອກ

LEAVE A REPLY

Please enter your comment!
Please enter your name here