ແຈ້ງການຈາກອະທິການບໍດີ ມະຫາວິທະຍາແຫ່ງຊາດກ່ຽວກັບການເປີດການຮຽນການສອນຄືນມີດັ່ງນີ້:

  1. ເລີ່ມວັນທີ 18 ພຶດສະພາ 2020 ໃຫ້ເປີດ ການຮຽນ ການສອນສໍາລັບສາຍສາມັນຂອງມະຫາວິທະຍາໄລແຫ່ງຊາດປະກອບດ້ວຍ ໂຮງຮຽນສາທິດ ປ5, ມ4,ແລະ ມ7  ໂຮງຮຽນພອນສະຫວັນຊົນເຜົ່າ ມ4 ແລະ ມ7
  2. ເລີ່ມ 02 ມິຖຸນາ 2020 ໃຫ້ແຕ່ລະຄະນະວິຊາກຽມຄວາມພ້ອມໃນການເປີດການຮຽນ ການສອນ ສຳລັບນັກສຶກສາປິສຸດທ້າຍ ພ້ອມທັງຕິດຕາມການຂຽນບົດຈົບຊັ້ນ ແລະ ລົງເຝິກງານ ແລະຈັດຕັ້ງການຮຽນ ການສອນໃຫ້ນັກສຶກສາປີສຸດທ້າຍທີ່ບໍ່ມີເງື່ອນໄຂຂຽນບົດໃຫ້ພ້ອມໃນການເສັງຈົບຊັ້ນ
  3. ເລີ່ມ 25 ພຶດສະພາ ໃຫ້ຄູອາຈານທົ່ວ ມຊ ມາ ປະຈໍາການປົກກະຕິ
  4. ເລີ່ມ 25 ພຶດສະພາ ໃຫ້ຫ້ອງການຄຸ້ມຄອງຫໍພັກຮັບນັກສຶກສາປີສຸດທ້າຍ ສ່ວນ ປີອື່ນໆນັ້ນໃຫ້ລໍຖ້າແຈ້ງການ
  5. ສໍາລັບນັກສຶກສາຕ່າງປະເທດມອບໃຫ້ຫ້ອງການທີ່ກ່ຽວຂ້ອງປະສານງານ ແລະ ວາງມາດຕະການໃນການຄຸ້ມຄອງຕາມຫຼັກການຂອງປະເທດນັ້ນໆ ແລະ ຕາມຄະນະນສະເພາະກິດ
  6. ມອບໃຫ້ຄະນະວິຊາຕ່າງໆຊີ້ນໍາ ພະນັກງານ ຄູອາຈານ ແລະ ນັກສຶກສາເຮັດອານະໄມຫ້ອງການ ຫ້ອງຮຽນ ແລະ ສະຖານທີ່ຕ່າງໃນຂົງເຂດ ມຊ
  7. ໃຫ້ທຸກຄະນະ ແລະ ສະຖາບັນຕ່າງໆ ກະກຽມຄວາມພ້ອມຕ່າງໆເພື່ອຮອງຮັບການຮຽນການສອນ  ທຸກຊັ້ນ ທຸກສາຍ ຖ້າສະພາບການຕ່າງໆມີການຜ່ອນຄາຍ ແລະ ດີຂື້ນ ແລະ ມີແຈ້ງການຈາກກະຊວງສຶກສາທິການ ແລະ ກິລາອອກມາ ກໍຈະເລີ່ມເປີດຮຽນໃໝ່ ໃນວັນທີ 15 ມິຖຸນາ 2020 ນີ້

LEAVE A REPLY

Please enter your comment!
Please enter your name here