ຕາມທີ່ຮູ້ກັນແລ້ວວ່າ ລັດຖະບານ ໄດ້ມີການກະກຽມການປຶກສາຫາລືລ່ວງໜ້າເພື່ອສະເໜີໂຄງການ ເຂື່ອນແມ່ນໍ້າຂອງ ທີ່ເມືອງຊະນະຄາມ

ປະຫວັດຄວາມເປັນມາຂອງເມືອງຊະນະຄາມ

ຕາມການກ່າວຂານຂອງຄົນເຖົ້າແກ່ ແລະຕາມຕຳນານຈາລຶກໄວ້ສືບຕໍ່ກັນມາ ເມືອງຊະນະຄາມແຫ່ງນີ້ ເປັນດິນແດນສະຫງ່ງາມແຫ່ງໜຶ່ງມາແຕ່ບູຮານນະການຂອງອານາຈັກລ້ານຊ້າງມີອານາເຂດກ້ວາງໃຫຍ່ພໍສົມຄວນກວມສອງຝັ່ງແມ່ນ້ຳຂອງ, ອຳເພີຊຽງຄານ ຈັງຫວັດເລີຍ ( ປະເທດໄທ ) ກໍ່ແມ່ນດິນແດນ ເມືອງຊະນະຄາມໃນເມື່ອກ່ອນ, ເຄີຍມີຄວາມຈະເລີນຮຸ່ງເຮືອງຍາວນານ ແລະ ເຄີຍຖືກພວກສັກດີນາຕ່າງຊາດຮຸກຮານທຳລາຍຈູດເຜົາເປັນເຖົ່າຖ່ານລົ້ມລຸກຄຸກຄານມາກໍ່ຫຼາຍຄັ້ງຫຼາຍຄາວ.

ທີ່ຕັ້ງຂອງເມືອງຊະນະຄາມ

            ເມືອງຊະນະຄາມ ແມ່ນຕັ້ງຢູ່ທິດຕາເວັນຕົກສ່ຽງເໜືອຂອງ ແຂວງວຽງຈັນ ກົງກັນຂ້າມກັບອຳເພີຊຽງຄານ ແລະ ອຳເພີປາກຊົມ ຈັງຫວັດເລີຍ ປະເທດໄທ, ມີທິວທັດທຳມະຊາດ ທີ່ຫໍ່ຫຸ້ມໄປດ້ວຍພູຜາປ່າໄມ້ ຂຽວສະອຸ່ມ, ມີທົ່ງນາໃຫຍ່ກ້ວາງມີແກ້ງຂົດຄູ່, ແກ້ງຟ້າ, ແກ້ງຈັນພູຜາທ້າຍຜາຫ້ອຍແຫຼ້ງ, ຜາຫາດ ແລະ ອື່ນໆເ ປັນທີ່ໜ້າຊົມບໍ່ທຳມະດາ, ແມ່ນ້ຳຂອງໄຫຼຜ່ານປະມານ 97 ກິໂລແມັດມີຊົນລະປະທານສາຍລ້ອງນ້ຳມີ້ 13 ແຫ່ງ  ທົດນ້ຳຂຶ້ນໃສ່ທົ່ງນາເຂົ້າພັນອຸດົມສົມບູນດ້ວຍຊັບພະຍາກອນທຳມະຊາດຫຼາຍຢ່າງເຊັ່ນ: ຄຳ, ຫີນບາລິດ, ຫີນປູນຖ່ານຫີນ ແຮ່ເຫຼັກ ແລະອື່ນໆ.

  • ທິດຕາເວັນອອກຕິດກັບເມືອງສັງທອງນະຄອນຫຼວງວຽງຈັນ ແລະ ເມືອງເຟືອງ ແຂວງວຽງຈັນ.
  • ທິດຕາເວັນຕົກຕິດກັບເມືອງປາກລາຍ, ເມືອງແກ່ນທ້າວ ແຂວງໄຊຍະບູລີ
  • ທິດເໜືອຕິດກັບເມືອງແມດ ແລະ ເມືອງກາສີ ແຂວງວຽງຈັນ.
  •   ທິດໃຕ້ຕິດກັບອຳເພີຊຽງຄານອຳເພີປາກຊົມຈັງຫວັດເລີຍລາຊະອານາຈັກໄທ
  • ຫ່າງຈາກເທດສະບານແຂວງວຽງຈັນປະມານ 206 ກິໂລແມັດ.
  • ຫ່າງຈາກນະຄອນຫຼວງວຽງຈັນປະມານ 145 ກິໂລແມັດ.
  • ເສັ້ນທາງຄົມມະນາຄົມໃຊ້ທາງບົກ ແລະ ທາງນ້ຳ.

ຂອບໃຈຂໍ້ມູນຈາກ ເວັບໄຊ ແຂວງວຽງຈັນ

LEAVE A REPLY

Please enter your comment!
Please enter your name here