ຫົວໜ້າພະແນກ ສາທາລະນະສຸກ ແຂວງສະຫວັນນະເຂດ ໄດ້ໃຫ້ຮູ້ວ່າ ນັບແຕ່ເດືອນມັງກອນ ຫາ ວັນທີ 19 ພຶດສະພາ 2020 ແມ່ນກວດພົບຜູ້ຕິດເຊື້ອພະຍາດໄຂ້ເລືອດອອກ ທັງໝົດ 85 ຄົນ ເຊິ່ງມາຈາກ 48 ບ້ານ ທົ່ວແຂວງສະຫວັນນະເຂດ

ໂດຍ ທ່ານ ດຣ ບົງສຸວັນ ພັນທະວົງສາ ຫົວໜ້າພະແນກສາທາລະນະສຸກແຂວງສະຫວັນນະເຂດ ໄດ້ລາຍງານຕໍ່ກັບນັກຂ່າວທ້ອງຖິ່ນວ່າ: ສະພາບ ການເຈັບເປັນຍ້ອນພະຍາດ ໄຂ້ເລືອດອອກນັບແຕ່ເດືອນ ມັງກອນມາຮອດວັນທີ 19 ພຶດ ສະພາ 2020 ທົ່ວແຂວງສະ ຫວັນນະເຂດ ພົບກໍລະນີຕິດເຊື້ອໄຂ້ເລືອດອອດທັງໝົດ 85 ຄົນໃນ 48 ບ້ານ ໃນນີ້ ເມືອງທ່າປາງທອງພົບຜູ້ຕິດເຊື້ອໄຂ້ເລືອດອອກຫຼາຍກວ່າໝູ່ມີເຖິງ 30 ຄົນ, ນະຄອນໄກສອນ ພົມວິຫານ 10 ຄົນ, ເມືອງອາດສະພອນ 8 ຄົນ, ເມືອງພີນ 6 ຄົນ, ເມືອງ ອຸທຸມພອນ 10 ຄົນ, ເມືອງ ສອງຄອນ 5 ຄົນ, ເມືອງຊົນນະບູລີ 3 ຄົນ, ໄຊບູລີ 4 ຄົນ, ໄຊ ພູທອງ 3 ຄົນ, ເມືອງຈຳພອນ 4 ຄົນ,ເມືອງພີນ 6 ຄົນ,ອາດສະພັງທອງ 1 ຄົນ ແລະ ເມືອງເຊໂປນອີກ 1 ຄົນ

ປະຈຸບັນ, ທາງພະແນກສາທາລະນະສຸກແຂວງ ກໍ່ໄດ້ເຮັດໜັງສືແຈ້ງການໄປ ຍັງບັນດາຫ້ອງການສາທາລະນະສຸກເມືອງຕ່າງໆ ພາຍໃນແຂວງເພື່ອໃຫ້ພ້ອມກັນ ເຝົ້າລະວັງ ແລະກຽມຕອບໂຕ້ ກັບພະຍາດດັ່ງກ່າວແຕ່ຫົວທີ ພ້ອມນີ້ກໍ່ຮຽກຮ້ອງມາຍັງທຸກ ພາກສ່ວນໃນສັງຄົມຈົ່ງເປັນ ເຈົ້າການ ແລະປະກອບສ່ວນ ໃນການທຳລາຍແຫຼ່ງເພາະ ພັນຂອງຍຸງລາຍໃນແຕ່ລະ ຄອບຄົວ ແລະສະຖານທີ່ສາ ທາລະນະລວມທັງສຳນັກງານ ອົງການພາກລັດ ແລະເອກະ ຊົນຕື່ມອີກ

ຂໍ້ມູນ: Media Laos

LEAVE A REPLY

Please enter your comment!
Please enter your name here