ຈາກການຖະແຫຼງຂ່າວປະຈຳວັນ ຂອງຄະນະສະເພາະກິດ ໃນວັນທີ 16 ພຶດສະພາ 2020, ໂດຍໃຫ້ຮູ້ວ່າ  ໃນວັນທີ 15 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 109 ຄົນ, ເຊິ່ງມີກໍລະນີສົງໄສມາກວດ 2 ຄົນ, ບຸກຄົນທົ່ວໄປທີ່ບໍ່ມີອາການ 31 ຄົນ, ຜູ້ອອກໂຮງໝໍ 3 ຄົນ ຄື: ນໍ້າເບີ 02, 06 ແລະ 13 ກັກໂຕຄົບ 14 ວັນ ໄດ້ມາກວດຄືນ, ແຮງງານລາວ 73 ຄົນ, ຜົນກວດທັງໝົດແມ່ນບໍ່ພົບເຊື້ອ 

ໃນຂະນະທີ່,  ຄະນະສະເພາະກິດ ໄດ້ຮຽກຮ້ອງໃຫ້ທຸກພາກສ່ວນໃນສັງຄົມ, ຊຸມຊົນ, ຄອບຄົວ ແລະ ສ່ວນບຸກຄົນ ຮ່ວມແຮງຮ່ວມໃຈກັນ ສືບຕໍ່ຈັດຈັດຕັ້ງປະຕິບັດ ແຈ້ງການສະບັບເລກທີ່ 580/ຫສນຍ ລົງວັນທີ 15 ພຶດສະພາ 2020  ນີ້ ໃຫ້ຖືກຕ້ອງ ແລະ ເຂັ້ມງວດ. ໂດຍສະເພາະແມ່ນ ການປະຕິບັດຫຼັກການອະນາໄມ, ການທໍາຄວາມສະອາດຂ້າເຊື້ອພະຍາດສະຖານທີ່ບໍລິການຕ່າງໆ, ການແທກອຸນຫະພູມຮ່າງກາຍ, ການລ້າງມືດ້ວຍນໍ້າສະອາດໃສ່ສະບູ ຫຼ ໃຊ້ເຈວລ້າງມື, ການປະຕິບັດໄລຍະຫ່າງທາງ

ສັງຄົມ, ການໃສ່ຜ້າປິດປາກ-ດັງ ເວລາອອກຈາກບ້ານ ຫຼື ໄປສະຖານທີ່ ທີ່ມີຄວາມສ່ຽງການຕິດເຊື້ອ. ທັງຫມົດນີ້, ກໍ່ເພື່ອໃຫ້ກາຍເປັນຄວາມຊື່ນເຄີຍໃນການດໍາລົງຊີວິດປະຈໍາວັນ

LEAVE A REPLY

Please enter your comment!
Please enter your name here