ວັນທີ 15 ພຶດສະພາ 2020 ທີ່ຜ່ານມາ, ບັນດາປະເທດອາຊຽນໄດ້ຈັດກອງປະຊຸມທາງວີດີໂອຄອມ ເພື່ອປຶກສາຫາລືບັນຫາການສະກັດກັ້ນ ພະຍາດລະບາດ ໂຄວິດ -19 ໂດຍແມ່ນ ສະຫາຍ ພົນໂທ ຫງວຽນຈິວິງ ເຈົ້າໜ້າທີ່ອາວຸໂສກະຊວງປ້ອງກັນປະເທດ ຫວຽດນາມເປັນປະທານກອງປະຊຸມ, ມີບັນດາເຈົ້າໜ້າທີ່ອາວຸໂສ ກະຊວງປ້ອງກັນປະເທດອາຊຽນເຂົ້າຮ່ວມຢ່າງພ້ອມພຽງຮຽງໜ້າ.

ສະຫາຍ ພົນໂທ ຫງວຽນຈິວິງ ໄດ້ສະເໜີສະພາບຂອງອາຊຽນໂດຍຫຍໍ້, ໂດຍສະເພາະແມ່ນຊ່ວງໄລຍະທີ່ພະຍາດພວມລະບາດ, ສະຫາຍໄດ້ກ່າວສະແດງຄວາມຂອບໃຈມາຍັງບັນດາປະເທດອາຊຽນທີ່ ທີ່ຍາມໃດກໍ່ຍົກສູງຄວາມສາມັກຄີ, ການພົວພັນ ແລະ ຮ່ວມມືກັນເປັນວຽກງານໜຶ່ງທີ່ສໍາຄັນ. ເວົ້າລວມ, ເວົ້າສະເພາະແມ່ນໃນຊ່ວງໄລຍະພະຍາດລະບາດທີ່ຮ້າຍແຮງນີ້, ບັນດາປະເທດອາຊຽນ ກໍຄືກະຊວງປ້ອງກັນປະເທດອາຊຽນ ກໍໄດ້ເອົາໃຈໃສ່ແລກປ່ຽນບົດຮຽນໃນການສະກັດກັ້ນ, ຊ່ວຍເຫຼືອເຊິ່ງກັນ ແລະ ກັນ. ນອກຈາກນັ້ນ ຍັງໄດ້ເອົາໃຈໃສ່ປຸກລະດົມວຽກງານການພົວພັນສາກົນ ເພື່ອສະກັດກັ້ນປະກົດການຫຍໍ້ທໍ້ທີ່ອາດຈະເກີດຂຶ້ນໃນຊ່ວງໄລຍະວິກິດການນີ້ອີກດ້ວຍ.

ສະຫາຍ ພົນຕີ ຄໍາສີ ວົງຄໍາຊາວ ຫົວໜ້າເຈົ້າໜ້າທີ່ອາວຸໂສກະຊວງປ້ອງກັນປະເທດລາວ ໄດ້ສະແດງຄວາມຂອບໃຈມາຍັງບັນດາເຈົ້າໜ້າທີ່ອາວຸໂສອາຊຽນໃນການໃຫ້ການຮ່ວມມືເພື່ອສະກັດກັ້ນພະຍາດລະບາດໃນຄັ້ງນີ້. ສະຫາຍກ່າວວ່າ: ການແຜ່ລະບາດຂອງພະຍາດໂຄວິດ -19 ແມ່ນເປັນລັກຊະນະຂ້າມຊາດ ແລະ ຍັງຈະສືບຕໍ່ແຜ່ລາມໃນວົງກວ້າງ ໂດຍບໍເລືອກເພດ, ໄວ, ບໍ່ຈໍາແນກປະເທດໃຫຍ່, ນ້ອຍ, ປະເທດທີ່ພັດທະນາແລ້ວຫຼືກໍາລັງພັດທະນາ ກໍ່ລ້ວມແຕ່ໄດ້ຮັບຜົນກະທົບທາງດ້ານການເມືອງ,ເສດຖະກິດ, ວັດທະນະທໍາ-ສັງຄົມ, ລວມທັງລະບົບສາທາລະນະສຸກ, ແລະວິຖີການດໍາລົງຊີວິດຂອງມວນມະນຸດ.

ແຕ່ລະປະເທດກໍ່ໄດ້ອອກມາດຕະການຕ່າງໆ ເພື່ອສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ – 19 , ເປັນຕົ້ນແມ່ນ ການເວັ້ນໄລຍະຫ່າງທັງສັງຄົມ, ການປິດປະເທດ ແລະ ອື່ນໆ. ຈາກການວາງມາດຕະການດັ່ງກ່າວ ໄດ້ສົ່ງຜົນກະທົບຢ່າງຮ້າຍແຮງຕໍ່ກັບດ້ານເສດຖະກິດ ແລະ ວິຖີການດໍາລົງຊີວິດຂອງສັງຄົມພາຍໃນປະເທດ. ເພາະວ່າ ການຄ້າລະຫວ່າງປະເທດຖືກຈໍາກັດ, ເຮັດໃຫ້ລະບົບການຜະລິດ ແລະ ການຈາລະຈອນຂອງສິນຄ້າແບບຕ່ອງໂສ້ ບໍ່ສາມາດດໍາເນີນງານໄດ້ເຕັມເມັດເຕັມໜ່ວຍ, ເຊິ່ງເຮັດໃຫ້ສະຖຽນລະພາບທາງດ້ານສະບຽງອາຫານສັ່ນຄອນ, ສີນຄ້າລາຄາເພີ່ມຂື້ນ

LEAVE A REPLY

Please enter your comment!
Please enter your name here