ແຟນເພສ Save Pictures ໄດ້ໂພສຮູບພາບສະຖານທີ່ທ່ອງທ່ຽວຂອງ ແຂວງ ສາລະວັນ ເຊິ່ງໃນນັ້ນປະກອບມີ 4 ສະຖານທີ່ຄື ນໍ້າຕົກຕາດເລາະ ນໍ້າຕົກຕາດຮັງ ແກ້ງຊັນ ແລະ ດອນຝັນດີ

ມື້ນີ້ທາງທີມງານເຮົາເລີຍຈະພາມາຮູ້ຈັກກັບ 4 ສະຖານທີ່ນີ້

  • ນໍ້າຕົກຕາດເລາະ ຕັ້ງຢູ່ ບ້ານ ແສນວັງ ເມືແງ ສາລະວັນ ແຂວງ ສາລະວັນ ຫ່າງຈາກເທດສະບານເມືອງ ປະມານ 28 ກິໂລແມັດ  ເກີດຈາກແມ່ນໍ້າເຊເສັດ ທີ່ໄຫຼລັດເລາະລົງມາສູ່ແອ່ງນໍ້າດ້ານລຸ່ມ ປະຊາຊົນຈື່ງພາກັນເອີ້ນຕາດເລາະ ນໍ້າຕົກມີຄວາມສູງປະມານ 10 ແມັດ.
  • ຖ້າຍ່າງຂຶ້ນໄປດ້ານເທິງຂອງນໍ້າຕົກຕາດເລາະ ເຮົາກໍ່ຈະເຫັນ ຕາດຮັງ ເຊິ່ງໃນບໍລິເວນນີ້ ແມ່ນຈະມີຣິສອດແຄມນໍ້າ  ເປີດໃຫ້ບໍລິການ ເໝາະສຳລັບຜູ້ທີ່ຕ້ອງການມານອນພັກຄືນ
  • ແກ້ງຊັນ ຕັ້ງຢູ່ ບ້ານ ບຶງຂາມ ເມືອງ ສາລະວັນ ແຂວງ ສາລະວັນ ຫ່າງຈາກເທດສະບານ ປະມານ 35 ກິໂລແມັດ  ຕາມເສັ້ນທາງເລກທີ 15 ແກ້ງຊັນ ແມ່ນເປັນແກ້ງທີ່ກວ້າງ ແລະ ໃຫ່ຍ ມີນໍ້າໄຫຼຜ່ານແກ້ງຕະຫຼອດປີ ແລະ ໃນບໍລິເວນແກ້ງ ແມ່ນມີວັດປ່າແກ້ງຊັນ ເພື່ອໃຫ້ນັກທ່ອງທ່ຽວໄດ້ກຣາບໄຫວ້ທຳບຸນອີກດ້ວຍ

  • ດອນຝັນດີ ຕັ້ງຢູ່ ບ້ານ ຫົວຂົວເສັດ ເມືອງເລົ່າງາມ ແຂວງສາລະວັນ ຫ່າງຈາກເທດສະບານເມືອງປະມານ 30 ກິໂລແມັດ ເຊິ່ງພາຍໃນດອນປະກອບກິດຈະກຳທ່ອງທ່ຽວຫຼາຍຢ່າງ ເປັນຕົ້ນແມ່ນ ຂີ່ເຮືອ, ຕຶກເບັດ, ແລະ ຊົວວິຖີຊີວິດຂອງຊາວບ້ານໃນພື້ນທີ່ອີກດ້ວຍ

ນອກຈາກ 4 ສະຖານທີ່ນີ້ແລ້ວ ແຂວງ ສາລະວັນ ແມ່ນຍັງມີສະຖານທີ່ທ່ອງທ່ຽວອີກຫຼາກຫຼາຍແຫ່ງ ເປັນຕົ້ນແມ່ນ ນໍ້າຕົກຕາດເທວະດາ ເມືອງ ສາລະວັນ, ແກ້ງກຸ ເມືອງ ວາປີ, ພູຜາສຸກ ເມືອງ ສາລະວັນ, ຖໍ້າຝຶດ ເມືອງ ເລົ່າງາມ, ແລະ ຈຸດຊົມວິວ ຄໍາຕື້-ພູລະຫິດ ເມືອງ ຄົງເຊໂດນ

LEAVE A REPLY

Please enter your comment!
Please enter your name here