ພົນເອກ ສີສະຫວາດ ແກ້ວບຸນພັນ ນັກປະຕິວັດອະວຸດໂສ ຈາກພວກເຮົາໄປແລ້ວ ແຕ່ເລື່ອງລາວຂອງທ່ານ ຢູ່ບົນເສັ້ນທາງຕໍ່ສູ້ປົດປ່ອຍປະເທດຊາດ ໄດ້ຖຶກຈາລຶກໄວ້ໃນຮູບແບບ ອະນຸສອນ ສະຖານ 2 ແຫ່ງຄື:

ຖໍ້າ ສີສະຫວາດ ແກ້ວບຸນພັນ ທີ່ ເມືອງວຽງໄຊ ແຂວງ ຫົວພັນ ແມ່ນຖໍ້າກໍຄວາຍ, ເພິ່ນໄດ້ໄປອາໄສຢູ່ຖໍ້າແຫ່ງນີ້ໃນປີ 1964-1973 ເວລານັ້ນ, ທ່ານ ເປັນກົມການເມືອງສູນກາງພັກ, ຮອງລັດຖະມົນຕີກະຊວງປ້ອງກັນປະເທດ.

ແລະ ຖໍ້າກອງຮ້ອຍລາດຊະວົງ ທີ່ ເມືອງ ຊຽງຄໍ້ ແຂວງ ຫົວພັນ ເຊິ່ງມີຮູບປັ້ນ 25 ສະຫາຍ ທີ່ຫາກະນຳມາຈາກໂຮງຫຼໍ່ ປະເທດຫວຽດນາມ

ເມື່ອອາຍຸ 20 ປີ ທ່ານ ສີສະຫວາດ  ໄດ້ເຂົ້າຮ່ວມຂະບວນການປະຕິວັດລາວ ແລະ ເປັນໜຶ່ງໃນນັກຮົບຮຸ່ນທໍາອິດ ທີ່ກໍ່ຕັ້ງ ກອງຮ້ອຍລາດຊະວົງ ຕໍ່ສູ້ກູ້ຊາດ ໃຫ້ຫຼຸດພົ້ນຈາກການເປັນເມືອງຂຶ້ນຂອງຝລັ່ງ. ຈາກກອງຮ້ອຍລາດຊະວົງ ໄດ້ພັດທະນາມາເປັນກອງທັບປະຊາຊົນລາວ ທີ່ເຮັດສົງຄາມຕ້ານພວກລ່າເມືອງຂຶ້ນສະໄໝໃໝ່ຂອງອາເມຣີກາ

ຮູບພາບ ຮູບປັ້ນຢູ່ໂຮງຫຼໍ່ ປະເທດຫວຽດນາມ, ກ່ອນນໍາມາຕິດຕັ້ງຢູ່ ບໍລິເວນ ຖໍ້າກອງຮ້ອຍລາດຊະວົງ

ໃນວັນທີ 3 ກຸມພາ ປີ 1972 ທ່ານໄດ້ເຂົ້າຮ່ວມກອງປະຊຸມໃຫ່ຍພັກ ຄັ້ງທີ2 ໃນກອງປະຊຸມໄດ້ປ່ຽນຊື່ ພັກປະຊາຊົນລາວ ມາເປັນ ພັກປະຊາຊົນປະຕິວັດລາວ. ມາຮອດປີ 1976 – 1987 ທ່ານໄດ້ເປັນຄະນະພັກການທະຫານສູນກາງ

ນອກຈາກນີ້, ໃນປີ 1987 ທ່ານ ສີສະຫວາດ ໃນນາມຜູ້ບັນຊາການກົມໃຫ່ຍເສນາທິການ ໄດ້ເປັນແມ່ທັບນໍາພານັກຮົບເຂົ້າສູ່ສະໜາມຮົບ ບັ້ນຮົບບໍ່ແຕນ ຫຼື ຄົນໄທເອີ້ນ ສະໜາມຮົບຮົ່ມເກົ້າ

ປະຈຸບັນ ທ່ານ ພົນເອກ ສີສະຫວາດ ແກ້ວບຸນພັນ ອາຍຸໄດ້ 92 ປີ.

LEAVE A REPLY

Please enter your comment!
Please enter your name here