ວັນທີ 11 ພຶດສະພາ 2020, ເຟສບຸກ ທາງການຂອງ ຄະນະກໍາມະການອົງກອນແມ່ນໍ້າຂອງ ຫຼື MRC (Mekong River Commission) ໄດ້ແຈ້ງໃຫ້ຮູ້ວ່າ: ລັດຖະບານ ສປປ ລາວ ໄດ້ມີການກະກຽມ ການປຶກສາຫາລືລ່ວງໜ້າເພື່ອສະເໜີໂຄງການເຂື່ອນແມ່ນໍ້າຂອງ ທີ່ເມືອງຊະນະຄາມ

ໂຄງການດັ່ງກ່າວນີ້, ແມ່ນຈະເປັນ 1 ໃນ 6 ເຂື່ອນ ທີ່ ສປປ ລາວ ສະເໜີເພື່ອສ້າງຕາມແມ່ນໍ້າຂອງ, ເຂື່ອນທີ່ເມືອງຊະນະຄາມ ຈະມີກໍາລັງຕິດຕັ້ງ ທີ່ 684 ເມກາວັດ.

ຈຸດທີ່ຕັ້ງຂອງໂຄງການນີ້ແມ່ນຢູ່ລະຫວ່າງ ແຂວງໄຊຍະບູລີ ແລະ ແຂວງວຽງຈັນ, ເຊິ່ງຫ່າງຈາກ ຊາຍແດນ ຈັງຫວັດເລີຍ ປະເທດໄທປະມານ 2 ກິໂລແມັດ. ຫ່າງຈາກ ເມືອງຊະນະຄາມ ແຂວງວຽງຈັນ ປະມານ 25 ກິໂລແມັດ, ຫ່າງຈາກ ນະຄອນຫຼວງວຽງຈັນ ປະມານ 155 ກິໂລແມັດ ແລະ ຫ່າງຈາກ ເມືອງປາກລາຍ ແຂວງໄຊຍະບູລີ ປະມານ 84 ກິໂລແມັດ.

ອີງຕາມເອກະສານທີ່ໄດ້ຍື່ນແກ່ຄະນະກໍາມະການ ອົງກອນແມ່ນໍ້າຂອງ, ໂຄງການກໍ່ສ້າງເຂື່ອນນີ້ ແມ່ນຄາດວ່າ ຈະໄດ້ເລີ່ມ ພາຍໃນປີ 2020 ແລະ ໃຫ້ສໍາເລັດ ໃນປີ 2028. ໂດຍໃຊ້ງົບປະມານຂອງໂຄງການ 2073 ລ້ານ ໂດລາສະຫະລັດ, ສ່ວນພະລັງງານໄຟຟ້າ ທີ່ຜະລິດໄດ້ ຈະສົ່ງອອກຂາຍ ໃຫ້ປະເທດໄທ ເປັນສ່ວນໃຫຍ່.

ຂໍ້ມູນເພີ່ມເຕີມ: https://bit.ly/2xVav2I

LEAVE A REPLY

Please enter your comment!
Please enter your name here