ວັນທີ 29 ເມສາ 2020 ຜ່ານມານີ້, ຫ້ອງການແຮງງານ ແລະສະຫວັດດີການສັງຄົມ ເມືອງລະມາມ ແຂວງເຊກອງ ໄດ້ລົງເຄື່ອນໄຫວມອບເຂົ້າສານ ໃຫ້ປະຊາຊົນເຂດ6 ຕອກອົງແກ້ວ ທີ່ໃດ້ຮັບຜົນກະທົບຈາກໄພພິບັດໃນຕົ້ນເດືອນ ກັນຍາ ປີ 2019 ຜ່ານມາ ເຊິ່ງມີທັງໝົດ 6 ບ້ານຄື: ບ້ານຈະວີກ, ຕອກອົງແກ້ວ, ປະຫືງ, ໂພນໃຜ່, ຈະນຳ ແລະບ້ານໄກເງງ ເຊິ່ງມີທັງໝົດ 443 ຄອບຄົວ, ມີພົນລະເມືອງ 3.077 ຄົນ, ຍິງ1.333 ຄົນ ໃນຈຳນວນເຂົ້າສານທັງໝົດ 24 ໂຕນ 616 ກິໂລກຣາມ.

ມອບໂດຍ ທ່ານ ບົວໄລ ວິໄລວົງ ຄະນະປະຈຳພັກເມືອງ,ປະທານກວດການພັກ-ລັດ ທັງເປັນປະທານຄະນະກຳມະການປ້ອງກັນ ແລະຄວບຄຸມໄພພິບັດຂັ້ນເມືອງ, ມີຄະນະຫ້ອງການແຮງງານ ແລະສະຫວັດດີການສັງຄົມ ເມືອງລະມາມ, ຄະນະພັກຮາກຖານ, ອຳນາດການປົກຄອງບ້ານ ພ້ອມດ້ວຍພະນັກງານວິຊາການຂະແໜງການກ່ຽວຂ້ອງເຂົ້າຮ່ວມເປັນສັກຂີພິຍານ.

ທີ່ມາ: Medialaos (ຂ່າວເຊກອງ)

LEAVE A REPLY

Please enter your comment!
Please enter your name here