ໃນລະຫວ່າງ ຕົ້ນເດືອນເມສາ 2020 ເຖິງປັດຈຸບັນ ໜ່ວຍງານສະເພາະກິດສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ ໄດ້ ສົບທົບກັບ ກົມເຄມີສາດ ກົມໃຫຍ່ເສນາທິການກອງທັບ ໄດ້ເອົາໃຈໃສ່ ຈັດຕັ້ງປະຕິບັດວຽກງານວິຊາສະເພາະ ໃນການປ້ອງກັນ, ຕ້ານ ແລະ ສະກັດກັ້ນຄວບຄຸມການເເຜ່ລະບາດເຊື້ອພະຍາດໂຄວິດ – 19  ຕາມທິດຊີ້ນໍາຂອງຂັ້ນເທິງວາງອອກຢ່າງເຂັ້ວງວດ, ໂດຍທາງຄະນະໜ່ວຍງານດັ່ງກ່າວໄດ້ນໍາເອົາລົດທີ່ບັນຈຸປະສົມນໍ້າຢາຂ້າເຊື້ອ ແລະ ເຄື່ອງມືອຸປະກອນ ສີດພົ່ນນໍ້າຢາຂ້າເຊື້ອພະຍາດຕ່າງໆ ໂດຍສະເພາະ ພົ່ນຂ້າເຊື້ອພະຍາດຈຸລະໂລກອັບເສບປອດສາຍພັນໃໝ່ໂຄວິດ-19 ຢູ່ກົມໃຫຍ່ພະລາທິການກອງທັບ

ເຊິ່ງທາງໜ່ວຍງານ ແລະ ວິຊາການໄດ້ຈັດຕັ້ງປະຕິບັດເຄື່ອນໄຫວສີດພົ່ນນໍ້າຢາຂ້າເຊື້ອພະຍາດຕາມບໍລິເວນເສັ້ນທາງ, ສະຖານທີ່ບ່ອນຈອດລົດ, ບ່ອນຫຼີ້ນກີລາ ແລະ ລຽບຕາມບໍລິເວນບັນດາອົງການກົມ,ຫ້ອງການ ກໍຄື ບໍລິເວນຂອບເຂດຄວາມຮັບຜິດຊອບຂອງກົມໃຫຍ່ພະ ລາທິການກອງທັບ, ທັງນີ້ກໍ່ ເພື່ອເປັນການປ້ອງກັນ ແລະ ຮັບປະກັນຄວາມປອດໄພທາງດ້ານສຸຂະພາບຂອງນາຍ ແລະ ພົນທະຫານພາຍໃນ ກົມໃຫຍ່ພະລາທິການກອງທັບ ຈາກເຊື້ອພະຍາດດັ່ງກ່າວ.

ທີ່ມາ: Lao people’s Army News (ຮ້ອຍເອກ ຄໍາປະສົງ ລາດຊະວົງ)

LEAVE A REPLY

Please enter your comment!
Please enter your name here