ທ່າມກາງການແຜ່ລະບາດຂອງເຊື້ອໄວຣັສໂຄວິດ-19 ໄດ້ສົ່ງຜົນກະທົບຕໍ່ອຸດສາຫະກໍາຕ່າງໆໄປທົ່ວໂລກ ບໍລິສັດ ແລະ ຫ້າງຮ້ານ ຕ້ອງໄດ້ປິດໃຫ້ບໍລິການ ຫຼື ດໍາເນີນທຸລະກິດບໍ່ໄດ້ເຕັມທີ່ ພະນັກງານໄດ້ໂຈະການເຮັດວຽກຊົ່ວຄາວ

ເຊິ່ງແນ່ນອນວ່າ ເມື່ອບໍ່ໄດ້ເຮັດວຽກເຕັມຮູບແບບ ຈະເຮັດໃຫ້ລາຍໄດ້ຂອງຫຼາຍໆຄົນຫຼຸດລົງ ຫຼື ອາດມີລາຍໄດ້ເທົ່າເກົ່າ ແຕ່ຕ້ອງໃຊ້ຊີວິດໃນຊ່ວງໂຄວິດ-19 ແບບນີ້, ມື້ນີ້ອິນໄຊລາວ ມີ 5 ວິທີບໍລິຫານເງິນໃຫ້ລອດ ເມື່ອລາຍໄດ້ຫຼຸດລົງ ໃນຊ່ວງວິກິດໂຄວິດ-19 ມາແຊຣໃຫ້ຮູ້ນຳກັນ

  1. ຫຼຸດຄ່າໃຊ້ຈ່າຍທີ່ບໍ່ຈໍາເປັນ” ໃນຊ່ວງແບບນີ້ທ່ານໃດທີ່ມີລາຍຮັບຫຼຸດລົງອາດຈະຕ້ອງໄດ້ຫຼຸດຄ່າໃຊ້ຈ່າຍທີ່ບໍ່ຈໍາເປັນລົງ ແລ້ວຈັດລະດັບຄວາມສໍາຄັນວ່າສິ່ງໃດຈໍາເປັນ ສິ່ງໃດບໍ່ຈໍາເປັນ ເຊັ່ນ: ການຊື້ເສື້ອຜ້າໃໝ່, ງານສ້າງສັນທຸກຮູບແບບ ແລະ ອຶ່ນໆທີ່ຄິດວ່າບໍ່ຈໍາເປັນ

2. “ບໍລິຫານຈັດການໜີ້ເກົ່າ”  ໃນກໍລະນີທີ່ມີໜີ້ຕ້ອງໄດ້ຈ່າຍທຸກເດືອນ ແຕ່ມີລາຍຮັບຫຼຸດລົງ ເຮັດໃຫ້ບໍ່ສາມາດຜ່ອນຊໍາລະໄດ້ ຄວນວາງແຜນການຈ່າຍໜີ້ເກົ່າໃຫ້ຮຽບຮ້ອຍກ່ອນຈະກາຍເປັນໜີ້ເສຍ ຫຼື ສາມາດເຈລະຈາການຈ່າຍໜີ້ ເພື່ອຫຼຸດພາລະໜີ້ຊົ່ວຄາວ ເປັນຕົ້ນ ການເຈລະຈາຂໍຈ່າຍສະເພາະດອກເບ້ຍ ພັກການຈ່າຍເງິນຕົ້ນໄວ້ຊົ່ວຄາວ

3.​ “ຢຸດການສ້າງໜີ້ໃໝ່” ຫາກຄິດຈະສ້າງຫຍັງໃໝ່ ທີ່ຈະເຮັດໃຫ້ມີພາລະໜີ້ສິນຕາມມາ ອາດຈະຕ້ອງເລື່ອນອອກໄປກ່ອນ ເຊັ່ນ: ຊື້ເຮືອນ ຊື້ລົດ ຫຼື ສ້າງໜີ້ກ້ອນໃຫ່ຍ ຈະຕ້ອງໄດ້ລະມັດລະວັງເປັນພິເສດ

4.​ “ຄວບຄຸມລາຍຈ່າຍຢ່າງຮັດກຸມ” ສຳລັບລາຍຈ່າຍທີ່ຈໍາເປັນຕ້ອງມາກ່ອນ ເຊັ່ນ ຈ່າຍຄ່າກິນຄ່າຢູ່ ຄ່າໃຊ້ຈ່າຍທີ່ກ່ຽວກັບການສຶກສາລູກ ຈະຖືກຈັດເປັນອັບດັບຕົ້ນໆ ແລ້ວປັບຫຼຸດຄ່າໃຊ້ຈ່າຍສ່ວນອຶ່ນໆ ທີ່ຈໍາເປັນນ້ອຍລົງ ເພື່ອໃຫ້ມີເງິນໝູນວຽນໃນແຕ່ລະເດືອນຫຼາຍຂຶ້ນ ຫຼື ຖ້າເປັນໄປໄດ້ແມ່ນໃຫ້ຕັດຄ່າໃຊ້ຈ່າຍທີ່ບໍ່ຈໍາເປັນອອກໄປເລີຍຈະເປັນການດີ໌.

5. “ເບິ່ງຫາອາຊີບເສີມ ສ້າງລາຍຮັບເພີ່ມ “ການຫາອາຊີບເສີມ ເພື່ອສ້າງລາຍຮັບເພີ່ມໃນຊ່ວງວິກິດ ເປັນສິ່ງສໍາຄັນໃນການຢູ່ລອດ ແຕ່ຕ້ອງເບິ່ງວ່າອາຊີບໃດເໝາະສົມກັບຕົນເອງ ເຊັ່ນ: ພະນັກງານ ເດຣີເວີຣີ ມີຫຼາຍບໍລິສັດທີ່ໃຫ້ບໍລິການຢູ່ບ້ານເຮົາ ຫຼື ອາດຈະເປັນອາຈານສອນອອນລາຍ ຂາຍເຄື່ອງອອນລາຍ ຫຼື ຫຍິບໜ້າກາກຜ້າຂາຍ ກໍ່ໄດ້

ເປັນແນວໃດ ສຳລັບຂໍ້ມູນທີ່ເຮົາຫາມາແຊຣໃຫ້ໄດ້ຮູ້ນຳກັນ ອິນໄຊລາວຫວັງວ່າຈະມີປະໂຫຍດກັບຫຼາຍໆທ່ານ ທີ່ກຳລັງພົບພໍ້ກັບບັນຫາຢູ່ຕອນນີ້, ແລະ ເຮົາຈະຜ່ານວິກິດນີ້ໄປນຳກັນ

ອ້າງອີງຂໍ້ມູນຈາກ:​ https://bit.ly/2WUWqwi , https://bit.ly/2JHoN9z

LEAVE A REPLY

Please enter your comment!
Please enter your name here