ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໃນສະຖານະການທີ່ປະເທດຊາດກໍາລັງປະສົບກັບບັນຫາ ການລະບາດຂອງພະຍາດໂຄວິດ-19 ຢູ່ຕອນນີ້, ກໍ່ໄດ້ມີນັກຮ້ອງ ສິລະປິນ ຫຼາຍໆທ່ານໄດ້ອອກມາມອບສຽງເພງ ເພື່ອເປັນກຳລັງໃຫ້ບຸກຄະລາກອນທາງການແພດຜູ້ເສຍສະຫຼະທຸກໆທ່ານ ທີ່ກຳລັງເຮັດໜ້າທີ່ຂອງຕົນເອງຢ່າງສຸດຄວາມສາມາດ.  ແຕ່ລ່າສຸດ ໄດ້ມີສຽງເພງຈາກທ່ານໝໍທ່ານໜຶ່ງທີ່ໄດ້ແຕ່ງເພງຂຶ້ນມາ ເພື່ອເປັນກຳລັງໃຈໃຫ້ກັບປະຊາຊົນ ແລະ ໃຫ້ປະຊາຊົນເຊື່ອໝັ້ນວ່າ ທ່ານໝໍຈະຢູ່ຄຽງຂ້າງປະຊາຊົນສະເໝີ

ທ່ານໝໍ ສົມໄຫວ ສິງຫາໄຊຍະແສງ ຈົບການສຶກສາຈາກ ມະຫາວິທະຍາໄລວິທະຍາສາດສຸຂະພາບ ແລະ ສາຖາບັນພະຍາດເຂດຮ້ອນ ແລະ ສາທາລະນະສຸກສາດ, ປະຈຸບັນເຮັດວຽກຢູ່ The Lao-Oxford- Mahosot Hospital Wellcome Trust Research Unit (LOMWRU) ພະແນກຈຸລີນຊີ ໂຮງໝໍມະໂຫສົດ ໄດ້ແຕ່ງເພງທີ່ມີຊື່ວ່າ “ແຮງໃຈຈາກໝໍ” ໂດຍທ່ານໝໍໄດ້ເຜີຍເຖິງແຮງບັນດານໃຈໃນການແຕ່ງເພງນີ້ວ່າ: ຕົນເອງເປັນໝໍ ທີ່ມັກໃນການຮ້ອງເພງນຳຢູ່ແລ້ວ ກໍ່ເລີຍຢາກເປັນກະບອກສຽງໃຫ້ກັບທ່ານໝໍທຸກຄົນ ໃນເມື່ອເຮົາໄດ້ເລືອກອາຊີບນີ້ ແລ້ວ ເຮົາກໍ່ພ້ອມທີ່ຈະປະຕິບັດໜ້າທີ່ຢ່າງສຸດຄວາມສາມາດ ພ້ອມກັບສັນຍາວ່າຈະຢູ່ຄຽງຂ້າງປະຊາຊົນ ແລະ ບໍ່ມີວັນຈະຖິ້ມປະຊາຊົນແນ່ນອນ ເຖິງວ່າຈະເປັນແນວໃດກໍ່ຕາມ

ຢາມນອນກໍ່ບໍ່ໄດ້ນອນ ຢາມຕື່ນຂຶ້ນມາກໍ່ຍັງຜະວາ” ໝາຍຄວາມວ່າ: ເວລາທີ່ເຮົາມາຍາມຢູ່ໂຮງໝໍ ຄົນເຈັບຈະມາຮ້ອງເຮົາຕື່ນຕອນໃດ ເຮົາກໍ່ຕ້ອງໄດ້ຕື່ນ ເວລາຕື່ນຂຶ້ນມາແລ້ວ ກໍ່ຍັງຕ້ອງຮັກສາຄົນເຈັບຢ່າງສຸດຄວາມສາມາດ ເຖິງຈະເມືjອຍພຽງໃດ ກໍ່ຕ້ອງໄດ້ເຮັດ ແລະ ສູ້ ເພື່ອຄົນເຈັບ ທ່ານໝໍ ສົມໄຫວ ກ່າວ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ສໍາລັບເພງ “ແຮງໃຈຈາກໝໍ” ທີ່ແຕ່ງໂດຍ ທ່ານໝໍສົມໄຫວouh ແມ່ນໃຊ້ເວລາແຕ່ງພຽງມື້ດຽວເທົ່ານັ້ນ, ເຊິ່ງກ່ອນໜ້ານີ້ ທ່ານໝໍແມ່ນໄດ້ຮ້ອງ ແລະ ໃຫ້ໝູ່ຫຼີ້ນກີຕ້າໃຫ້ ຫຼັງຈາກນັ້ນ ກໍ່ໄດ້ເຂົ້າຫ້ອງອັດຢ່າງຈີງຈັງ. ໂດຍໄດ້ອັບລົງຜ່ານຊ່ອງຢູທູບຂອງທ່ານໝໍເອງ ຊື່ Morvai Singha

ສຸດທ້າຍ, ທ່ານໝໍຍັງໄດ້ຝາກເພງນີ້ເປັນກຳລັງໃຈໃຫ້ບຸກຄະລາກອນທາງການແພດທຸກໆຄົນ ແລະ ເຮັດໜ້າທີ່ຂອງເຮົາໃຫ້ດີທີ່ສຸດ ແລະ ຍັງຝາກເຖິງປະຊາຊົນໃຫ້ປະຕິບັດຕາມຄໍາສັ່ງຂອງທ່ານນາຍົກ ພ້ອມກັບຮັກສາສຸຂະພາບ ອອກກຳລັງກາຍສະໝໍ່າສະເໝີ ແລະ ເສບຂ່າວຢ່າງມີສະຕິ ເພື່ອຮັກສາສຸຂະພາບຈິດ ເຮັດໃຫ້ສຸຂະພາບເຮົາແຂງແຮງ ມີພູມຄຸ້ມກັນສູງ ຫ່າງໄກຈາກພະຍາດໂຄວິດ-19

ແຮງໃຈຈາກໝໍ

LEAVE A REPLY

Please enter your comment!
Please enter your name here