ຫຼາຍຄົນຄົງຍັງໂສກເສົ້າສະຫຼົດໃຈ ກັບການຈາກໄປຂອງນັກຮ້ອງດັ່ງ ສາຍາ ລາຊາເພງລູກທົ່ງບ້ານນາ ກິດາວເພັດ ໜູຫ່ວງ ທີ່ໄດ້ຈາກຄອບຄົວ ແລະ ແຟນເພງໄປ ໃນຕອນເຊົ້າຂອງວັນທີ 24 ເມສາ 2020 ໃນໄວອາຍຸພຽງ 49 ປີເທົ່ານັ້ນ

ກິດາວເພັດ ໜູຫ່ວງ ຖືວ່າເປັນສິລະປິນທີ່ຮູ້ຈັກກັນເກືອບທຸກຮຸ່ນ ທັງຄົນຮຸ່ນເກົາ ຮຸ່ນໃໝ່  ແລະ ຖືວ່າເປັນເລື່ອງເສົ້າຫຼາຍໃນວົງການບັນເທິງເພງລາວ  ທັງນີ້ ກິດາວເພັດ ຍັງໄດ້ເປັນທີ່ຮູ້ຈັກກັນດີໃນວົງການເພງລູກທົ່ງບ້ານນາຂອງປະເທດໄທ

ໂດຍຄົນບັນເທິງຈາກຝັ່ງໄທ ກໍ່ໄດ້ຮ່ວມອາໄລກັບການສູນເສຍໃນຄັ້ງນີ້, ໂດຍລ່າສຸດ ພອນສັກ ສ່ອງແສງ ນັກຮ້ອງລູກທົ່ງໄທ ກໍ່ໄດ້ອັດຄຣິບວິດີໂອ ສະແດງຄວາມເສຍໃຈ ພ້ອມກັບນໍ້າຕາ ມາຍັງຄອບຄົວຂອງ ກິດາວເພັດ ກໍ່ຄືຄອບຄົວໜູຫ່ວງ

ພ້ອມກັນນີ້ ຄູສະຫຼາ ຄຸນນະວຸດ ກໍ່ໄດ້ສົ່ງຕົວແທນມາມອບພ່ວງມາລາ ແລະ ໂພສຮູບພາບ ກັບຂໍຄວາມວ່າ: ຂໍສະແດງຄວາມອາໄລຕໍ່ການຈາກໄປຂອງ ທ່ານ ກິ ດາວເພັດ ໜູຫ່ວງ

ສຳລັບມື້ຊາປະນະກິດສົບແມ່ນມື້ນີ້ ວັນທີ 27 ເມສາ 2020, ທີ່ ວັດສົມສະຫງັດ ເຂດເກົ້າລ້ຽວ

LEAVE A REPLY

Please enter your comment!
Please enter your name here