ເປັນຕາຊື່ນຊົມ ທີ່ໃນຊ່ວງວິກິດການໂຄວິດ-19 ແບບນີ້ ເຮົາໄດ້ເຫັນບໍລິສັດຕ່າງໆອອກມາຊ່ວຍເຫຼືອຄົນລະເລັກລະນ້ອຍ ທັງອຸປະກອນການແພດ ບໍລິຈາກເງິນ ແລະ ເປີດແອັບໃຫ້ໃຊ້ຟຣີໆ

ລ່າສຸດບໍລິສັດກ້ອງຖ່າຍຮູບ Nikon ກໍ່ໄດ້ອອກມາມອບສິ່ງດີໆໃຫ້ກັບທຸກຄົນ ໂດຍການເປີດຄອດສອນອອນລາຍ Nikon School  ທີ່ໄດ້ລວມເທັກນິກ ແລະ ວິທີການຖ່າຍຮູບຈາກບັນດາມືອາຊີບ ມາລວບລວມໄວ້ໃຫ້ຜູ້ທີ່ສົນໃຈສາມາດມາເປີດເບິ່ງໄດ້ແບບຟຣີໆຕະຫລອດເດືອນເມສາ 

ສຳລັບຄອດຖ່າຍຮູບ Nikon School  ແມ່ນມີທັງໝົດ 10 ຄອດ ໂດຍແຕ່ລະຄອດແມ່ນຈະກິນເວລາປະມານ 15 ນາທີ – 1 ຊົ່ວໂມງ ໂດຍສາມາດເຂົ້າໄປໄດ້ທີ່ເວັບໄຊ Nikon  Events ແລະ ເມື່ອເຂົ້າມາແລ້ວ ກໍ່ຈະມີການໃຫ້ລົງທະບຽນເລັກນ້ອຍ ພຽງໃສ່ຊື່ ແລະ ນາມສະກຸນອິເມວ ເທົ່ານັ້ນ ກໍ່ສາມາດເລືອກຄອດຕ່າງໆໄດ້ເລີຍ

     
10 ຄອດຮຽນອອນລາຍຈາກNikon School

  • Creator’s Mindset: Creating Video Content with Z 50 : ຮຽນຮູ້ການເຮັດຄອນເທັ້ນດ້ວຍກ້ອງ Nikon Z 50 (15.26 ນາທີ)
  • Getting Started with Your Nikon DSLR : ບົດຮຽນເບື້ອງຕົ້ນຂອງກ້ອງ DSLR ຈາກ Nikon (16.54 ນາທີ)
  • Photographing Children and Pets :ການຖ່າຍຮູບເດັກນ້ອຍ ແລະ ສັດລ້ຽງ (50.24 ນາທີ)
  • Hands-on with SB-5000 Speedlight : ລອງໃຊ້ແຟັດ SB-5000 (41.52 ນາທີ)
  • Fundamentals of Photography : ພຶ້ນຖານຂອງການຖ່າຍຮູບພາບ(42.35 ນາທີ)
  • Environmental Portraiture : ການຈັດສະພາບແວດລ້ອມ (43.57 ນາທີ)
  • The Art of Making Music Videos : ສິລະປະໃນການຖ່າຍ Music Video (01.09.09 ນາທີ)
  • Beyond the Fundamentals of Photography : ພຶ້ນຖານການຖ່າຍຮູບພາບໃນລະດັບສູງຂຶ້ນ (56.32 ນາທີ)
  • Discovering Macro Photography : ການຖ່າຍຮູບພາບມາໂຄ (50.43 ນາທີ)
  • Exploring Dynamic Landscape Photography : ເທັກນິກການຖ່າຍຮູບພາບ Landscape(43.50 ນາທີ)

ຖືໄດ້ວ່າ ຖ້າໄດ້ລອງສຶກສາຕາມຄອດສອນການຖ່າຍຮູບທັງໝົດນີ້ ດີບໍ່ດີຫລັງຈາກປົດມາດຕະການກັກໂຕຈາກ ໂຄວິດ-19 ແລ້ວ ເຮົາອາດຈະກາຍເປັນຄົນທີ່ຖ່າຍຮູບເກັ່ງຂຶ້ນ ເຖິງຈະອອກມາຖ່າຍນອກເຮືອນບໍ່ໄດ້ ແຕ່ກໍ່ໄດ້ຮຽນຮູ້ທັກສະເອົາໄວ້ ດີກວ່າປ່ອຍເວລາຜ່ານໄປລ້າໆ 

ໃຜສົນໃຈຮຽນ ກໍ່ພາກັນຮີບເຂົ້າຮຽນ ເພາະ Nikon ຈະເປີດຄອດຟຣີໃຫ້ພາຍໃນເດືອນເມສາ 2020 ເທົ່ານັ້ນ

ຮຽບຮຽງ: ອິນໄຊລາວ

ຂໍ້ມູນເພີ່ມເຕີມ : Nikon

LEAVE A REPLY

Please enter your comment!
Please enter your name here