ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຈາກການຕິດຕາມລາຍງານຈໍານວນຜູ້ຕິດເຊື້ອພະຍາດໂຄວິດ-19 ຂອງອົງການອະນາໄມໂລກ ຕັ້ງແຕ່ວັນທີ 7 ເມສາ 2020 ຈົນຮອດມື້ວ່ານນີ້ (8 ເມສາ 2020) ທາງອິນໄຊລາວ ເຫັນວ່າ ມີການລາຍງານຈໍານວນຜູ້ຕິດເຊື້ອບໍ່ກົງກັບຄະນະສະເພາະກິດລາຍງານໃນ 2 ຄັ້ງ ດັ່ງນີ້:

7 ເມສາ 2020: ອົງການອະນາໄມໂລກ ເຮັດບົດລາຍງານໄປຍັງຜູ້ສື່ຂ່າວຕ່າງປະເທດວ່າ ສປປ ລາວ ມີຜູ້ຕິດເຊື້ອເພີມ 1 ຄົນ ຂະນະທີ່ຄະນະສະເພາະກິດລາຍງານວ່າມີຜູ້ຕິດເຊື້ອເພີ່ມ 2 ຄົນ

8 ເມສາ 2020: ອົງການອະນາໄມໂລກ ເຮັດບົດລາຍງານໄປຍັງຜູ້ສື່ຂ່າວຕ່າງປະເທດວ່າ ສປປ ລາວ ບໍ່ພົບຜູ້ຕິດເຊື້ອເພີ່ມ ແຕ່ວ່າຢູ່ໃນລະຫວ່າງການກວດສອບ 1 ຄົນ ຂະນະທີ່ຄະນະສະເພາະກິດລາຍງານວ່າມີຜູ້ຕິດເຊື້ອເພີມ 2 ຄົນ

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ແນວໃດກໍ່ຕາມ ຂໍ້ມູນສະແດງຈໍານວນຜູ້ຕິດເຊື້ອລາຍວັນໃນເວັບໄຊທາງການຂອງອົງການອະນາໄມໂລກ (https://who.sprinklr.com/region/wpro/country/la) ເຊິ່ງອັບເດດແລ້ວໃນຕອນເຊົ້າຂອງມື້ນີ້ ມີການລະບຸແລ້ວວ່າ ສປປ ລາວ ມີຜູ້ຕິດເຊື້ອ ເພີ່ມ 2 ຄົນ ແຕ່ຍັງຄົງຂໍ້ມູນຜູ້ຕິດເຊື້ອໃນວັນທີ 7 ເມສາ 2020 ເປັນ 1 ຄົນຢູ່ ເຮັດໃຫ້ໂຕເລກຜູ້ຕິດເຊື້ອ ໃນເວັບໄຊອົງການອະນາໄມໂລກ ຍັງເປັນ 14 ຄົນ ຂະນະທີ່ໂຕເລກຈາກຄະນະສະເພາະກິດ ໄດ້ຖະແຫຼ່ງຂ່າວໃນວັນທີ 8 ເມສາ 2020 ເວລາ 14:30 ໂມງ ຍືນຍັນວ່າ: ພົບຜູ້ຕິດເຊື້ອພະຍາດໂຄວິດ-19 ເພີ່ມ 1 ກໍລະນີ, ລວມຍອດຜູ້ຕິດເຊື້ອໃນວັນທີ 8 ເມສາ 2020 ທັງໝົດເປັນ 15 ຄົນ ແລະ ໃນເວັບໄຊທາງການຂອງຄະນະສະເພາະກິດ ກໍ່ໄດ້ອັບເດດຍອດຜູ້ຕິດເຊື້ອທັງໝົດເປັນ 15 ຄົນເຊັ່ນກັນ

ເພື່ອກວດສອບຂໍ້ມູນເພີ່ມເຕີມອິນໄຊລາວຈຶ່ງໄດ້ສອບທາງໄປທາງສາຍດ່ວນ 166 ກໍ່ຍັງບໍ່ສາມາດໃຫ້ຄໍາຕອບວ່າຍ້ອນຫຍັງ ບ່ອກໄດ້ພຽງວ່າອາດຈະເປັນຍ້ອນຄວາມຜິດພາດທາງດ້ານຂອງການສື່ສານ ແຕ່ຈາກການຫາຂໍ້ມູນປະກອບຈາກແຫຼ່ງອຶ່ນໆແລ້ວ ເຫັນວ່າມີພຽງຂໍ້ມູນອົງການອະນາໄມໂລກເທົ່ານັ້ນ ທີ່ບໍ່ຖືກກັບບົດລາຍງານຂອງຄະນະສະເພາະກິດ ດັ່ງນັ້ນ ຢາກໃຫ້ທຸກຄົນອັບເດດຂ່າວຈາກເວັບໄຊ ແລະ ສື່ທາງການຂອງຄະນະສະເພາະກິດເທົ່ານັ້ນ ເພື່ອຄວາມຖືກຕ້ອງ ແລະ ຊັດເຈນ

LEAVE A REPLY

Please enter your comment!
Please enter your name here