ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ເພື່ອສືບຕໍ່ເພິ່ມທະວີໃນການປ້ອງກັນ ພະຍາດໂຄວິດ-19 ທີ່ມະນຸດໄສຍະຊາດທຸກຄົນໃຜໆກໍ່ຢາກໃຫ້ໝົດໄປຈາກໂລກນີ້ ເຊິ່ງໃນປັດຈຸບັນ ແຂວງ ອັດຕະປື ແມ່ນຢູ່ໃນໄລຍະເຝົ້າລະວັງ ແລະ ການຕອບໂຕ້, ທຸກຄົນບໍ່ຄວນຖືເບົາ ຫຼຶ ນິ້ງນອນໃຈ, ຕ້ອງໄດ້ເອົາໃຈໃສ່ຕໍ່ຕ້ານ ແລະ ສະກັດກັ້ນການແຜ່ລະບາດຂອງພະຍາດ ໂຄວິດ-19 ຢ່າງເຂັ້ມງວດທີ່ສຸດ.

ຕໍ່ກັບສະພາບດັ່ງກ່າວ ດ້ວຍຄວາມເປັນຫວ່ງເປັນໄຍ ຂອງບໍລິສັດ ໄຟຟ້າ ນ້ຳກົງ 3 ຈຳກັດ ທີ່ຕັ້ງຢູ່ເມືອງ ພູວົງ ແຂວງ ອັດຕະປື ທີ່ເຫັນຄ່າຂອງຄະນະສະເພາະກິດ ຕ້ານພະຍາດ ໂຄວິດ-19 ຍັງຕ້ອງການໃຊ້ງົບປະມານອັນຈຳເປັນຢ່າງຫຼວງຫຼາຍເຂົ້າໃນການຮັບມືຕອບໂຕ້ຕ້ານພະຍາດໂລລະບາດ ຜີສາດ ໂຄວິດ-19 ຈິ່ງໄດ້ນໍາເອົາເງິນສົດ ຈຳນວນ ມູນຄ່າ 250.000.000 ກີບ ມອບໃຫ້ຄະນະສະເພາະກິດ ຂັ້ນແຂວງ ເຂົ້າໃນການຊື້ອຸປະກອນການເເພດຊ່ວຍຫາຍໃຈ ເພື່ອຮອງຮັບໄວ້ປິ່ນປົວກໍລະນີຄົນຕິດເຊື້ອ ພະຍາດ ໂຄວິດ-19, ການມອບ-ຮັບດັ່ງກ່າວ ແມ່ນມີຂຶ້ນໃນວັນທີ 8/4/2020 ກ່າວມອບໂດຍ ທ່ານ ທອງໄສ ທຳມະວົງ ຕາງຫນ້າ ໃຫ້ບໍລິສັດ ໄຟຟ້າ ນ້ຳກົງ 3 ຈຳກັດ ແລະ ກ່າວຮັບໂດຍ ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງ ຮອງປະທານຄະນະສະເພາະກິດ ປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ສາຍພັນໃຫມ່ ໂຄວິດ19 ຂັ້ນແຂວງ ພ້ອມດ້ວຍພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ.

ປັດຈຸບັນ ພະຍາດ ໂຄວິດ19 ກໍາລັງກາຍເປັນໄພຄຸກຄາມຮ້າຍແຮງທີ່ລະບາດໄປທົ່ວໂລກ ໂດຍສະເພາະປະເທດ ສປປ ລາວ ກຳລັງພົບກັບບັນຫາເຊັ່ນດຽວກັນກັບຫຼາຍໆປະເທດໃນໂລກ  ລ້າສຸດ ມີຜູ້ຕິດເຊື້ອໂຄວິດ-19 ເພີ່ມອີກ 2 ຄົນ, ລວມເປັນ 14 ຄົນແລ້ວ ດັ່ງນັ້ນ ເພື່ອຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ບໍ່ໃຫ້ຂະຫຍາຍເປັນບໍລິເວນກວ້າງນັ້ນ ເຊິ່ງຜ່ານມາແຂວງ ອັດຕະປື ກໍ່ໄດ້ຮັບການຊ່ວຍເຫຼືອດ້ານອຸປະກອນການເເພດ ເຊັ່ນ: ຈັກຜົ່ນ, ນ້ຳຢາຂ້າເຊື້່ອ ແລະ ຊຸດປ້ອງກັນພະຍາດຈຳນວນໜຶ່ງ ຈາກ ບໍລິສັດ ວັງຕັດ ຂຸດຄົ້ນບໍ່ແຮ່ ຈຳກັດ ມູນຄ່າ 20 ກວ່າລ້ານກີບ ແລະ ບໍລິສັດ ໄຟຟ້າ ນ້ຳກົງ 3 ຈຳກັດ 250.000.000 ກີບ ນີ້ຈະກາຍເປັນການປະກອບສ່ວນອັນສຳຄັນ, ເປັນແຮງຜັກດັນອັນຮີບຮ້ອນທີ່ສຸດ ເພື່ອຮັບມືພ້ອມກັນຜ່ານຜ່າວິກິດການຄັ້ງນີ້ໄປໄດ້ດ້ວຍຄວາມປອດໄພ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ໃນໂອກາດນີ້ ທ່ານ ອຸ່ນຫຼ້າ ໄຊຍະສິດ ຮອງປະທານຄະນະສະເພາະກິດຂັ້ນແຂວງ ຕາງຫນ້າໃຫ້ພັກ-ລັດ ຝາກຄວາມເປັນຫວ່ງເປັນໄຍ ເຖິງພໍ່ແມ່ປະຊາຊົນໃນທົ່ວແຂວງ, ບັນດາແຮງງານລາວ ແລະ ຕ່າງປະເທດ ທີ່ດຳລົງຊີວິດ ໃນແຕ່ລະ ບໍລິສັດ ຕ່າງໆໃນທົ່ວແຂວງ ອັດຕະປື ຈົ່ງເພີ່ມທະວີ ເອົາໃຈໃສ່ ຮັກສາບົວລະບັດຕົນເອງ ແລະ ປະຕິບັດຕາມມາດຕະຖານ ຄໍາແນະນໍາ ແລະ ມາດຕະການປ້ອງກັນ ຂອງລັດຖະບານລາວ ວາງອອກ ຢ່າງເຄັ່ງຄັດ ພ້ອມທັງໃຫ້ຄຳຫມັ້ນສັນຍາຈະນຳໃຊ້ເຄື່ອງຊ່ວຍເຫລືອ ຈາກບັນດ າບໍລິສັດ ມອບໃຫ້ນັ້ນ ໄປນຳໃຊ້ ເຂົ້າໃນວຽກງານ ປ້ອງກັນ ຄວບຄຸມ ແລະ ສະກັດກັ້ນພະຍາດໂຄວິດ19 ໃຫ້ເກີດຜົນປະໂຫຍດສູງສຸດ.

ທີ່ມາ: ມີເດຍລາວ (ອັດຕະປື)

LEAVE A REPLY

Please enter your comment!
Please enter your name here