ຈາກສະຖານະການ ການລະບາດຂອງພະຍາດໂຄວິດ-19 ໃນຫຼາຍໆປະເທດທົ່ວໂລກ ລວມທັງ ສປປ ລາວ ເຮັດໃຫ້ທາງພາກລັດໄດ້ລະດົມໃຫ້ປະຊາຊົນມີການປູກຝັງລ້ຽງສັດ ເພື່ອກຸ້ມຕົນເອງ ເພື່ອບໍ່ໃຫ້ມີບັນຫາການຂາດແຄນສະບຽງອາຫານໃນຕໍ່ໜ້າ

ພູມສະນະ ສີຣິວົງສາ ຫຼື ເຈ້ຍ ປາຊີຟິກ ປະທານແຂ້ວແຫ້ງ ໂປຣດັກຊັນ, ຜູ້ກຳກັບຮູບເງົາ, ນັກສະແດງ, ນັກຮ້ອງ ທີ່ກ່ອນໜ້ານີ້ໄດ້ໂພສຜ່ານເຟສບຸກສ່ວນໂຕວ່າ: ໃຫ້ພະນັກງານໂຈະເຮັດວຽກ ຈົນກວ່າສະຖານະການການລະບາດຂອງໂຄວິດ-19 ຈະດີຂຶ້ນ ແລະ ລ່າສຸດ ເຈ້ຍ ປາຊີຟິກ ກໍ່ໄດ້ຜັນໂຕເອງຈາກຜູ້ກໍາກັບຮູບເງົາ ມາເປັນຜູ້ກຳຈົກກໍາຊ້ວນ ເຮັດສວນປູກຜັກ ທີ່ດິນສວນຂອງຕົນເອງ ທີ່ ບ້ານຫ້ວຍຫອມ ເມືອງສີໂຄດຕະບອງ ນວຈ (ທາງໄປເມືອງສັງທອງ) ຕາມນະໂຍບາຍຂອງພັກລັດ

ໂດຍ ເຈ້ຍ ປາຊິຟິກ ໄດ້ເປີດເຜີຍຜ່ານເຟສບຸກສ່ວນຕົວວ່າ: ຮູ້ສຶກຕື່ນເຕັ້ນ ຄວາມຮູ້ສຶກຄືກັບຕອນເຮັດຮູບເງົາໃໝ່ໆເລີຍ, ການປູກຜັກນີ້ ແມ່ນຈະເນັ້ນປອດສານພິດ ໃສ່ຝຸ່ນທຳມະຊາດ ໂດຍຈະປູກຜັກບົວ ຫອມປ້ອມ ໝາກເຜັດ ແລະຖ້າຜັກໃຫ່ຍແລ້ວ ຍັງຈະໄດ້ແບ່ງໃຫ້ແຟນຮູບເງົາໄດ້ຊີມນຳກັນ

ທັງນີ້, ກ່ອນໜ້ານີ້ ເຈ້ຍ ປາຊີຟິກ ຍັງໄດ້ເກັບຜົນລະປູກປະເພດໝາກໄມ້ ເຊັ່ນ: ໝາກເງາະ ໝາກສີດາ ໄປຂາຍຢູ່ໜ້າເຮືອນຂອງຕົນ ພ້ອມຍັງມີບໍລິການສົ່ງຮອດເຮືອນອີກດ້ວຍ

LEAVE A REPLY

Please enter your comment!
Please enter your name here