ໃນຊ່ວງທີ່ພະຍາດໂຄວິດ-19 ກຳລັງລະບາດຮຸນແຮງ ແລະ  ສ້າງຜົນກະທົບໄປທົ່ວໂລກແບບນີ້, ແຕ່ Food Delivery ກາຍເປັນທຸລະກິດໜຶ່ງທີ່ໄດ້ຮັບຜົນກະທົບດ້ານບວກ ເນື່ອງຈາກເປັນບໍລິການທີ່ຊ່ວຍຕອບໂຈດດ້ານຄວາມສະດວກສະບາຍ ທັງຍັງຫຼຸດຄວາມສ່ຽງໃນການອອກພົບປະຜູ້ຄົນໃນສະຖານທີ່ສາທະລະນະ 

ພະນັກງານສົ່ງອາຫານຂອງ Food Panda ໄດ້ເປີດເຜີຍກັບອິນໄຊລາວວ່າ: ໃນຊ່ວງທີ່ພະຍາດໂຄວິດກຳລັງລະບາດ ຍອດການສັ່ງອາຫານແມ່ນເພີ່ມຂຶ້ນເປັນ 2 ເທົ່າ ເມື່ອປຽບທຽບກັບຊ່ວງເວລາປົກກະຕິ ໂດຍໂຕເລກທີ່ເພີ່ມຂຶ້ນນີ້ ມີທັງລູກຄ້າເກົ່າ ແລະ ລູກຄ້າໃໝ່. ໂດຍເວລາທີ່ຄົນມັກສັ່ງອາຫານຫຼາຍທີ່ສຸດແມ່ນຕອນສວາຍ ແລະ ຕອນຄໍ່າ ເຊິ່ງມັນສະແດງໃຫ້ເຫັນວ່າຄົນລາວເຮົາ ເລີ່ມມີການລະມັດລະວັງການອອກໄປນອກເຮືອນໂດຍບໍ່ຈຳເປັນຫລາຍຂຶ້ນ 

ທາງດ້ານຂອງພະນັກງານສົ່ງອາຫານ GoTeddy ກໍ່ໄດ້ບອກກັບເຮົາວ່າ: ຂ້າພະເຈົ້າຫາກໍ່ມາເຮັດວຽກໄດ້ 2 ອາທິດ ກໍ່ຖຶກຊ່ວງທີ່ພະຍາດໂຄວິດ-19 ພໍດີ, ສະເລ່ຍແລ້ວແມ່ນໄດ້ມື້ລະ 20 ຮອບ ກໍ່ຖືວ່າໄດ້ດີພໍສົມຄວນ, ລູກຄ້າສ່ວນໃຫ່ຍແມ່ນຄົນລາວ ມີຄົນຕ່າງປະເທດບາງຄັ້ງ ແລະ ສ່ວນໃຫ່ຍແມ່ນສັ່ງອາຫານຕອນສວາຍ ແລະ ຕອນຄໍ່າ

ທັງນີ້, ພະນັກງານ Food Panda ແລະGoTeddy ຍັງໄດ້ມີວິທີການຮັກສາຄວາມປອດໄພ ໂດຍການໃສ່ໜ້າກາກອະນາໄມ, ລ້າງມືເປັນປະຈຳທັງກ່ອນ ແລະ ຫລັງສົ່ງອາຫານໃຫ້ລູກຄ້າອີກດ້ວຍ.

LEAVE A REPLY

Please enter your comment!
Please enter your name here