ອີງຕາມການລາຍງານຈາກສຳນັກຂ່າວສານປະເທດລາວໃຫ້ຮູ້ວ່າ ໃນຕອນເຊົ້າຂອງວັນທີ 2 ເມສາ 2020 ທີ່ຫ້ອງວ່າການສຳນັກງານນາຍົກລັດຖະມົນຕີ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີກະຊວງແຜນການ ແລະ ການລົງທຶນ ໄດ້ຖະແຫລງຂ່າວກ່ຽວກັບນະໂຍບາຍດ້ານເສດຖະກິດຂອງລັດຖະບານ ກ່ຽວກັບການຫຼຸດຜ່ອນຜົນກະທົບຈາກພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ (ໂຄວິດ-19) ໃນການເພີ່ມມາດຕະການຮີບດ່ວນ ໂດຍສະເພາະການເລື່ອນຜ່ອນຜັນໃນການຊຳລະພາສີອາກອນ ເປັນຕົ້ນແມ່ນ:

  • ເລື່ອນການຊຳລະຄ່າທາງ
  • ຕໍ່ເວລາການສົ່ງເອກະສານລາຍງານການເງິນ
  • ຍົກເວັ້ນອາກອນລາຍໄດ້ຜູ້ທີ່ໄດ້ຮັບເງິນເດືອນໜ້ອຍ
  • ຍົກເວັ້ນອາກອນລາຍໄດ້ພາກທຸລະກິດຜູ້ທີ່ມີລາຍຮັບປະຈຳປີແຕ່ 50-100 ລ້ານກີບເປັນເວລາ 3 ເດືອນ
  • ຍົກເວັ້ນພາສີອາກອນ
  • ປັບຫລຸດອັດຕາດອກເບ້ຍພື້ນຖານຂອງທະນາຄານກາງ;
  • ປັບຫລຸດອັດຕາດອກເບ້ຍແກ່ພາກທຸລະກິດ;
  • ປັບລາຄານ້ຳມັນເຊື້ອໄຟລົງ;
  • ຄວບຄຸມລາຄາສິນຄ້າ;
  • ແນະນຳກະຊວງທີ່ກ່ຽວຂ້ອງປັບຫລຸດລາຄາຄ່າໄຟຟ້າ ນ້ຳປະປາ ແລະ ຄ່າອິນເຕີເນັດລົງ.

ແນວໃດກໍ່ຕາມ, ການລະບາດຂອງໄວຣັສໂຄໂຣນາ ຫຼື ໂຄວິດ-19 ໄດ້ສົ່ງຜົນກະທົບຕໍ່ເສດຖະກິດຂອງປະເທດໃນວົງກວ້າງ ຫຼາຍຈະແໜງການຕ້ອງປິດກິດຈະການຊົ່ວຄາວເພື່ອປ້ອງກັນການລະແຜ່ລະບາດຂອງເຊື້ອໄວຣັດ ດັ່ງນັ້ນ, ລັດຖະບານຈຶ່ງໄດ້ມີນະໂຍບາຍດ້ານເສດຖະກິດ ເພື່ອຫຼຸດຜ່ອນຜົນກະທົບຈາກວິກິດໂຄວິດ-19ລະບາດໃນຄັ້ງນີ້.

LEAVE A REPLY

Please enter your comment!
Please enter your name here