ວັນທີ 31 ມີນາ 2020, ຄິດດີ ທໍາດີ ແລະ ເວົ້າດີເປັນຢາຂະຫນານແທ້ບໍ່ມີວັນຕາຍ ດັ່ງທ່ານ ນາງ ພອນຄໍາ ຫານຊະນະ ( FB:Phonekham Havana) ຢູ່ ບ້ານສ້າງເຫວີຍ ເມືອງສີສັດຕະນາດ ນະຄອນຫລວງວຽງຈັນໄດ້ປະກາດແຈກຢາຍໄຂ່ໄກ່ລ້າໆໃຫ້ປະຊາຊົນລາວເພື່ອຊ່ວຍແບ່ງເບົາຄວາມລໍາບາກ ແລະ ການໃຊ້ຈ່າຍໃນຄອບຄົວລະຫວ່າງພະຍາດໂຄວິດລະບາດ ແລະ ປະເທດປິດດ່ານຊາຍແດນຊົ່ວຄາວ.

ທ່ານ ນາງ ພອນຄໍາ ຫານຊະນະໄດ້ເວົ້າເປັນຖ້ອຍເປັນຄວາມດ້ວຍນໍ້າສຽງເບົາທີ່ເຕັມປ່ຽມໄປໃນຄວາມເມດຕາ ແລະ ຈິດໃຈອັນບໍລິສຸດວ່ານີ້ຂໍເປັນສ່ວນໜຶ່ງໃນການຊ່ວຍເຫລືອສັງຄົມໃນຊ່ວງວິກິດ. ຄອບຄົວຂອງຂ້າພະເຈົ້າພ້ອມດ້ວຍຍາດພີ່ນ້ອງຈະແຈກໄຂ່ຟຣີຈຳນວນ 1.500 ໜ່ວຍໃຫ້ກັບທຸກຄອບຄົວທີ່ມີຄວາມສົນໃຈ. ຂໍເຊີນມາຮັບໄຂ່ໄດ້ ທີ່ບ້ານສ້າງເຫວີຍ ຮ່ອມ 08 ເລີ່ມ 10:00 AM ມື້ວັນທີ 31/03/2020 ພຽງແຕ່ມື້ດຽວເທົ່ານັ້ນ. ຂໍອະໄພມາລ່ວງໜ້າ ຖ້າຫາກວ່າຈຳນວນໄຂ່ແຈກໝົດກ່ອນ. ຫລ້າສຸດເມື່ອພາບນີ້ແຜ່ອອກໄປພົບວ່າມີປະຊາຊົນ,ຕໍາຫລວດ, ທະຫານ ແລະ ລັດຖະກອນພາກັນແຫ່ໄປຮັບໄຂ່ ດັ່ງທີ່ເຫັນໃນພາບຄົນລຽນແຖວເຂົ້າຮັບ.

ໂດຍ: ຮັກຊາດປະເທດລາວ

LEAVE A REPLY

Please enter your comment!
Please enter your name here