ພະແນກສາທາລະນະສຸກ ຢັ້ງຢືນວ່າ: ພະນັກງານຂອງສາຍລົມເຢັນ Sailomyen Cafe & Hostel ນະຄອນຫຼວງວຽງຈັນ ປອດເຊື້ອພະຍາດໂຄວິດ-19 ຫຼັງຈາກທີ່ມີການກັກຕົນເອງ 14 ມື້ ຍ້ອນສາເຫດທີ່ມີນັກທ່ອງທ່ຽວຊາວສະເປັນເຂົ້າພັກ ແລະ ຫຼັງຈາກທີ່ເດີນທາງໄປ ສປຈີນ ຜູ້ກ່ຽວຖືກກວດພົບວ່າຕິດເຊື້ອໂຄວິດ-19 ໂດຍທາງການຈີນ ຈຶ່ງແຈ້ງມາຫາແຟນສາວຊາວຈີນເຊິ່ງເປັນນັກສຶກສາຢູ່ລາວ ແລະ ເຮັດໃຫ້ເກີດຄວາມແຕກຕື່ນໃນກຸ່ມນັກສຶກສາ ແລະ ຄູອາຈານຂອງມະຫາວິທະຍາໄລແຫ່ງຊາດ.

ທັງນີ້, ພະນັກງານຂອງສາຍລົມເຢັນທັງໝົດ 14 ຄົນ ໄດ້ມີການກັກຕົນເອງ ຫຼື ຈຳກັດບໍລິເວນຢູ່ບ່ອນພັກເຊົາເປັນເວລາ 14 ມື້ ແລະ ເມື່ອວັນທີ 30 ມີນາ 2020 ທາງກະຊວງສາທາລະນະສຸກກໍໄດ້ຢັ້ງຢືນວ່າ ພະນັກງານທຸກຄົນແມ່ນປອດຈາກເຊື້ອພະຍາດດັ່ງກ່າວ.

ໂດຍທາງ Sailomyen Cafe & Hostel ກໍ່ໄດ້ມີການອະນາໄມ ແລະ ຂ້າເຊື້ອໃນອາຄານທັງໝົດ. 

LEAVE A REPLY

Please enter your comment!
Please enter your name here