ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຂປລ. ໃນວັນທີ 24 ມີນາ 2020 ທີ່ນະຄອນຫລວງວຽງຈັນ, ບໍລິສັດ ຫົວເຫວີຍ ເທັກໂນໂລຢີ ຈໍາກັດຜູ້ດຽວ ໄດ້ມອບລະບົບວິດີໂອຄອນຟີເລັນເພື່ອການແພດທີ່ທັນສະໄໝ Huawei Telemedicine Video Conferencing Solution ໃຫ້ກະຊວງສາທາລະນະສຸກ ແລະ ໂຮງໝໍ150 ຕຽງ ເພື່ອສະໜັບສະໜູນປະຊາຊົນລາວ ແລະ ແພດໝໍ ຕໍ່ຕ້ານກັບໂລກລະບາດ ໂຄວິດ-19, ປັບປຸງປະສິດຕິພາບ ຂອງການປ້ອງກັນການແຜ່ລະບາດ ແລະ ລົດຄວາມສ່ຽງຂອງການຕິດເຊື້ອ ສຳລັບບຸກຄະລາກອນທາງການແພດ.

ໜ່ວຍງານດ້ານສາທາລະນະສຸກ ແລະ ສະຖາບັນການແພດ ຈຳເປັນຕ້ອງມີລະບົບວິດີໂອ ການປະ ຊຸມທາງໄກຢ່າງເລັ່ງດ່ວນ ເພື່ອສະໜັບສະໜຸນການເຮັດວຽກ ຮ່ວມກັນໃນແຕ່ລະຂົງເຂດ. ຫົວເຫວີຍ ໄດ້ແກ້ໄຂຫລາຍຢ່າງລວມ ທັງອຸປະກອນ ແລະ ການເຊື່ອມຕໍ່ເຄືອຂ່າຍທີ່ມີປະສິດທິ ພາບສູງ ແລະ ເປັນການສະໜັບສະໜູນຢ່າງແຂ່ງຂັນ ໃຫ້ແກ່ໜ່ວຍງານລັດຖະບານ ແລະ ປະຊາຊົນລາວ ເພື່ອຕ້ານການແຜ່ລະບາດຂອງເຊື້ອໂລກດັ່ງກ່າວ.

ທ່ານ ດຣ. ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ກ່າວວ່າ: ຄັ້ງນີ້ ຫົວເຫວີຍ ໄດ້ສະໜອງອຸປະກອນ CloudLink ຂອງຫົວເຫວີຍ ໃຫ້ກະຊວງສາທາລະນະສຸກ ແລະ ໂຮງໝໍ ເພື່ອຊ່ວຍໃນການຈັດການປະຊຸມ ວິດີໂອທາງໄກແບບອອນລາຍ ແລະ ປັບການໃຊ້ງານລະຫວ່າງທີມຜູ້ຊ່ຽວຊານ ຂອງກະຊວງສາທາລະນະສຸກ ແລະ ໂຮງໝໍ ເພື່ອປັບປຸງປະສິດທິພາບຂອງການປ້ອງກັນ ແລະ ຮັກສາໂລກລະບາດປະຢັດເວລາໃນການເຮັດວຽກ ແລະ ການປ້ອງກັນການແຜ່ລະບາດ. ການຊ່ວຍເຫລືອຂອງຫົວເຫີວຍ ໃນຄັ້ງນີ້, ມີມູນຄ່າປະມານ500.000.000 ກີບ, ເຊິ່ງປະກອບດ້ວຍ ອຸປະກອນການປະຊຸມ ທາງໄກທີ່ສະໜັບສະໜູນ ດ້ານເທັກນິກຈາກແພັດຟອມ Huawei CloudLink. ໃຊ້ເວລາບໍ່ຮອດໜຶ່ງອາທິດ ທີມງານໂຄງການຫົວເຫວີຍ ໄດ້ເຮັດວຽກຢ່າງຈິງຈັງ ເພື່ອຕິດຕັ້ງອຸປະກອນ ແລະ ທົດສອບການໃຊ້ງານໃນ ແຕ່ລະສະຖານທີ່ທັງໝົດ ແລະ ຍັງມີລາຍງານຕື່ມວ່າ ຫົວເຫວີຍ ວາງແຜນທີ່ຈະໃຊ້ແພັດຟອມ ການເຮັດວຽກຮ່ວມກັນ ຂອງລະບົບກ້ອນເມກ ເພື່ອຊ່ວຍໃຫ້ກະຊວງສາທາລະນະສຸກ ແລະ ກຸ່ມຜູ້ຊ່ຽວຊານທາງການແພດ ໂຮງໝໍ 150 ຕຽງ ແລະ ສະຖາບັນອື່ນໆ ເພື່ອແລກປ່ຽນຂໍ້ມູນການວິເຄາະ.

ບ່ອນສະແດງໂຄສະນາ

ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ທ່ານ ຫູ ເຫວີ່ຍຫົວ ປະທານບໍລິສັດຫົວເຫວີຍ ປະຈຳລາວ ກ່າວວ່າ: ຈີນ ແລະ ລາວ ແມ່ນຮ່ວມຊາຕາກຳອັນດຽວກັນ, ມີຄວາມສາມັກຄີຮ່ວມກັນຢ່າງເລິກເຊິ່ງ. ດ້ວຍການສະໜັບສະໜູນ ຂອງລັດຖະບານລາວ ເຮັດໃຫ້ຫົວເຫວີຍ ດຳເນີນວຽກງານມາຢ່າງ ປະສົບຜົນສຳເລັດຢ່າງຕໍ່ເນື່ອງຕະຫລອດ 20 ປີ, ຫົວເຫວີຍ ໄດ້ຮັບໜ້າທີ່ຮັບຜິດຊອບຕໍ່ສັງຄົມ ຢ່າງຈິງຈັງ ແລະ ສະໜັບສະໜູນຕ້ານກັບໂລກລະບາດ ໂຄວິດ-19. ນອກຈາກນີ້, ຍັງໄດ້ເຮັດວຽກຮ່ວມກັບຜູ້ປະກອບການ ແລະ ພັນທະມິດ ເພື່ອສະໜັບສະໜູນສະຖາບັນ ການແພດແນວໜ້າ ແລະເຈົ້າໜ້າທີ່ທາງການແພດ ໃນການຕ້ານກັບໂລກລະບາດດັ່ງກ່າວ.
ທີ່ມາ: ຂ່າວສານປະເທດລາວ

LEAVE A REPLY

Please enter your comment!
Please enter your name here