ແຈ້ງການເຖິງ: ພໍ່ແມ່ປະຊາຊົນບັນດາເຜົ່າ, ນັກທຸລະກິດ, ພະນັກງານ, ທະຫານ, ຕໍາຫຼວດ ແລະ ບັນດາອົງການຈັດຕັ້ງຕ່າງໆໃນຂອບເຂດທົ່ວປະເທດ.

ເລື່ອງ: ໂຈະຊົ່ວຄາວການຮັບຄໍາຮ້ອງຂໍຫນັງສືຜ່ານແດນທໍາມະດາ.

ກະຊວງການຕ່າງປະເທດ ຂໍຖືເປັນກຽດແຈ້ງມາຍັງບັນດາທ່ານຊາບວ່າ:

ເນື່ອງຈາກປັດຈຸບັນການແຜ່ ລະບາດຂອງເຊື້ອໄວຣັດ Covid-19 ໃນຫຼາຍປະເທດໄດ້ຂະຫຍາຍເປັນວົງກວ້າງ, ສືບຕໍ່ມີກໍລະນີຜູ້ຕິດເຊື້ອ ແລະ ເສຍຊີວິດເພີ່ມຂຶ້ນສູງໃນແຕ່ລະວັນ, ເຖິງວ່າປັດຈຸບັນຢູ່ ສປປ ລາວ ບໍ່ມີກໍລະນີຜູ້ຕິດເຊື້ອ Covid-19 ກໍ່ຕາມ ແຕ່ກໍ່ຖືວ່າຍັງມີຄວາມສ່ຽງສູງ.

ສະນັ້ນ, ເພື່ອເປັນການປ້ອງກັນ, ຄວບຄຸມ ແລະ ຫຼຸດຜ່ອນຄວາມສ່ຽງທີ່ອາດຈະເກີດການ ຕິດເຊື້ອ ແລະ ແຜ່ລະບາດຂອງເຊື້ອໄວຣັດ Covid-19, ກະຊວງການຕ່າງປະເທດ ຈຶ່ງຈະໂຈະຊົ່ວຄາວການຮັບຄໍາ ຮ້ອງຂໍຫນັງສືຜ່ານແດນທໍາມະດາ (Ordinary Passport) ແຕ່ວັນທີ 30 ມີນາ 2020 ເຖິງ 20 ເມສາ 2020 ຢູ່ ກົມກົງສູນ ແລະ ຢູ່ 06 ສູນຮັບຄໍາຮ້ອງຂໍຫນັງສືຜ່ານແດນຢູ່ຕ່າງແຂວງ ອຸດົມໄຊ, ໄຊຍະບູລີ, ຊຽງຂວາງ, ຄໍາມ່ວນ, ສະຫວັນນະເຂດ ແລະ ຈໍາປາສັກ).

ສໍາລັບກໍລະນີສຸກເສີນເຊັ່ນ: ການເຈັບປ່ວຍຫນັກ ແມ່ນຈະໄດ້ຮັບການພິຈາລະນາ ເປັນແຕ່ລະກໍລະນີ.

ສໍາລັບການໂຈະຊົ່ວຄາວການຮັບຄໍາຮ້ອງຂໍຫນັງສືຜ່ານແດນທໍາມະດາ ຈະເລີ່ມຈັດຕັ້ງປະຕິບັດຕາມກໍານົດ ການຂ້າງເທິງ ຈົນກວ່າຈະມີແຈ້ງການສະບັບອື່ນປ່ຽນແທນ.

ດັ່ງນັ້ນ, ຈຶ່ງຂໍແຈ້ງມາຍັງບັນດາທ່ານເພື່ອຮັບຊາບຕາມທາງຄວນດ້ວຍ.


LEAVE A REPLY

Please enter your comment!
Please enter your name here