ຄືທີ່ເຮົາຮູ້ກັນດີວ່າ Google ໄດ້ພັດທະນາແຜນທີ່ຕ່າງໆ ທັງ Google Map, Street View ຫຼື Earth ໃຫ້ຊີວິດເຮົາສະດວກສະບາຍຂຶ້ນ

ເນື່ອງຈາກວ່າຊ່ວງນີ້ ຫຼາຍໆທ່ານຄົງຢູ່ບ້ານກັກໂຕ ແລະ Work from home ມື້ນີ້ທີມງານອິນໄຊລາວ ຈຶ່ງມາຊ່ວນທຸກຄົນທ່ຽວຮອບໂລກ ຜ່ານ Google Earth ໂປຣແກຣມທີ່ໃຊ້ສໍາລັບການເບິ່ງຂໍ້ມູນຮູບຖ່າຍທາງອາກາດ ແລະ ດາວທຽມ ພ້ອມແຜນທີ່ເສັ້ນທາງ ຜັງເມືອງ ລວມເຖິງລະບົບ ຈີໄອເອັສໃນຮູບແບບ 3 ມິຕິ ທົ່ວໂລກ

ໂດຍສາມາດເຮັດໄດ້ງ່າຍໆ ພຽງແຕ່ຄົ້ນຫາສະຖານທີ່ທີ່ທ່ານມັກ ສໍາຫຼວດຮູບຖ່າຍຈາກດາວທຽມທົ່ວໂລກ ລວມເຖິງສິ່ງປຸກສ້າງ 3 ມິຕິ ແລະ ພູມສັນຖານໃນເມືອງ ຫຼາຍຮ້ອຍແຫ່ງ ແລະ ສາມາດຊູມເບິ່ງເຮືອນຂອງທ່ານ ຫຼື ສະຖານທີ່ອຶ່ນໆ ຈາກນັ້ນເຂົ້າສູ່ມຸມມອງແບບ 360 ອົງສາດ້ວຍ Street View ໄດ້ອິກດ້ວຍ

ນອກຈາກນີ້ Google Earth ຍັງມີລູກຫຼີ້ນອິກຫຼາຍ ທັງຮູບພາບໃຕ້ນໍ້າ ຮູບພາບສັດປ່າ ຮູບພາບກາງຄືນ ເກມ ຄວາມຮູ້ ພູເຂົາໄຟ ທໍາມະຊາດ ແລະ ອຶ່ນໆ

ຂະນະທີ່ໂລກກຳລັງຢູ່ໃນສະຖານະການແບບນີ້ ມາທ່ຽວກັນແບບນີ້ໄປກ່ອນ ເມື່ອທຸກຢ່າງດີຂຶ້ນ ຄ່ອຍອອກໄປທ່ຽວຊົມຄວາມງົດງາມຂອງໂລກກັນໃໝ່, ໂລກເຮົາໃນແຕ່ລະສະຖາທີ່ ຈະງົດງາມຂະໜາດໃດ ປ່ຽນແປງໄປຫຼາຍນ້ອຍສໍ່າໃດ ຊວນທຸກທ່ານມາເບິ່ງນໍາກັນ

ໂດຍທຸກທ່ານສາມາດເບິ່ງໄດ້ຜ່ານ https://www.google.co.th/intl/th/earth/ ຫຼື ແອັບໃນໂທລະສັບມືຖືໄດ້ເລີຍ

LEAVE A REPLY

Please enter your comment!
Please enter your name here