ກະຊວງອຸດສາຫະກຳ ແລະ ການຄ້າ ແຈ້ງການ ສະບັບເລກທີ 0310/ອຄ.ກຄພນ ລົງວັນທີ 23 ມີນາ 2020 ເຖິງ ສາມາຄົມນໍ້າມັນເຊື້ອໄຟ ແລະ ອາຍແກ໊ສ, ບັນດາບໍລິສັດນໍ້າມັນເຊື້ອໄຟ ແລະ ປໍ້າຂາຍຍ່ອຍນໍ້າມັນເຊື້ອໄຟ ເລື່ອງ ການແຈ້ງປັບລົງລາຄານໍ້າມັນເຊື້ອໄຟ ໃນຂອບເຂດທົ່ວປະເທດ.

ກະຊວງອຸດສາຫະກຳ ແລະ ການຄ້າ ຂໍແຈ້ງມາຍັງສະມາຄົມນໍ້າມັນເຊື້ອໄຟ ແລະ ອາຍແກ໊ສ, ບັນດາບໍລິສັດນໍ້າມັນເຊື້ອໄຟ ແລະ ປໍ້າຂາຍຍ່ອຍນໍ້າມັນເຊື້ອໄຟ ໃຫ້ປະຕິບັດລາຄາຂາຍຍ່ອຍໃໝ່ ໃນເຂດເທດສະບານແຂວງ, ນະຄອນຫຼວງດັ່ງນີ້

ເຊິ່ງການປັບລົງໃນຄັ້ງນີ້ ແມ່ນໄດ້ເພີ່ມຄັງແຮ 300 ກີບ ທຸກຊະນິດ ແລະ ປັບລົງລາຄານໍ້າມັນເຊື້ອໄຟທຸກຊະນິດຄື: ແອັດຊັງພິເສດ ປັບລົງ 600 ກີບ/ລິດ (ຈາກ 9.720 ກີບ ລົງມາເປັນ 9.120 ກີບ/ລິດ); ແອັດຊັງທຳມະດາ ປັບລົງ 510 ກີບ/ລິດ (ຈາກ 8.890 ກີບ/ລິດ ລົງມາເປັນ 8.380 ກີບ/ລິດ) ແລະ ກາຊວນ ປັບລົງ 160 ກີບ (ຈາກ 7.900 ກີບ/ລິດ ລົງມາເປັນ 7.740 ກີບ/ລິດ) ລາຄານີ້ ແມ່ນເລີ່ມປະຕິບັດໃນວັນທີ 24 ມີນາ 2020 ນັບແຕ່ເວລາ 6:00 ໂມງ ເປັນຕົ້ນໄປ.

ສ່ວນການຄິດໄລ່ພັນທະ ແລະ ຄ່າທຳນຽມຕ່າງໆ ແມ່ນໃຫ້ພາກສ່ວນທີ່ກ່ຽວຂ້ອງ ຄິດໄລ່ກັບຕາມທີ່ໄດ້ກຳນົດໄວ້ ໃນໂຄງສ້າງຂອງລາຄານໍ້າມັນເຊື້ອໄຟ ສະບັບເລກທີ 0226/ກຄພນ.ຄສລ ລົງວັນທີ 23 ມີນາ 2020 ຈົນກວ່າຈະມີການປ່ຽນແປງ.

ແຫຼ່ງຂໍ້ມູນ: ເສດຖະກິດ-ການຄ້າ

LEAVE A REPLY

Please enter your comment!
Please enter your name here