ສຶບເນື່ອງຈາກເນື້ອຫາໃນຊ່ວງ ຈັ໊ດຊັດທຸກຄວາມຈິງ ໃນລາຍການຂ່າວພາກຄໍ່າຊ່ອງວັນ ເມື່ອວັນທີ 19 ມີນາ 2020 ທີ່ຜ່ານມາ ໄດ້ສ້າງຄວາມຮູ້ສຶກບໍ່ສະບາຍໃຈຕໍ່ຜູ້ຮັບຊົມ ໂດຍສະເພາະຄົນລາວເຮົາ

ແລະ ໃນຕອນບ່າຍຂອງມື້ນີ້ 20 ມີນາ 2020 ກອງບັນນາທິການຂ່າວຊ່ອງວັນ ໄດ້ກວດສອບແລ້ວວ່າ ສປປ ລາວ ເຮົາແມ່ນຍັງບໍ່ພົບຜູ້ຕິດເຊື້ຶອ  ໂດຍໄດ້ມີທ່ານນາຍົກລັດຖະມົນຕີຕິດຕາມສະຖານະການຢ່າງໃກ້ຊິດ ແລະ ວາງມາດຕະການຢ່າງເຂັ້ມງວດໃນການປ້ອງກັນ ແລະ ມີຂັ້ນຕອນທີ່ເປັນມາດຕະຖານສາກົນ

ພ້ອມລະບຸວ່າ: ກອງບັນນາທິການຂ່າວຊ່ອງວັນ 31 ຂໍນ້ອມຮັບຜິດ ແລະ ເສຍໃຈຢ່າງທີ່ສຸດ ແລະ ກາບຂໍອະໄພລັດຖະບານ ສປປ ລາວ ໂດຍສະເພາະກໍ່ຄືປະຊາຊົນລາວທຸກຄົນ ເປັນຢ່າງສູງ

ແນວໃດກໍ່ຕາມ, ປະກາດນີ້ ເປັນການອອກມາຂໍໂທດໂດຍສະຖານີຊ່ອງວັນ ໃນຂະນະທີ່ຜູ້ປະກາດຂ່າວຄົນດັ່ງກ່າວ ຍັງບໍ່ໄດ້ອອກມາຂໍໂທດດ້ວຍຕົນເອງແຕ່ຢ່າງໃດ

ທັງນີ້, ມີຄົນໄທຈໍານວນໜຶ່ງອອກມາສະແດງຄວາມເຫັນວ່າ ຜູ້ປະກາດຂ່າວຜູ້ນີ້ ຄວນອອກມາຂໍໂທດປະຊາຊົນລາວດ້ວຍຕົນເອງ

LEAVE A REPLY

Please enter your comment!
Please enter your name here