ວັນທີ 18 ມີນາ 2020, ທີມຂ່າວ ອິນໄຊລາວ ໄດ້ລົງສຳຫຼວດຕະຫຼາດມຶດ ສວນເຈົ້າອະນຸວົງ ເຊິ່ງເປັນແຫຼ່ງຊ໋ອບປິ້ງຍອດນິຍົມໃນນະຄອນຫຼວງວຽງຈັນ ທີ່ມີນັກທ່ອງທ່ຽວຕ່າງປະເທດໃຫ້ຄວາມສົນໃຈ ເປັນຕົ້ນແມ່ນນັກທ່ອງທ່ຽວ ສປ ຈີນ, ສ ເກົາຫຼີ ທີ່ນິຍົມມາຊື້ເຄື່ອງຝາກຂອງຕ້ອນ.

ເອື້ອຍຊາວ ແມ່ຄ້າຂາຍເຄື່ອງທີ່ຕະຫຼາດມືດໄດ້ບອກກັບອິນໄຊລາວວ່າ: ເລິ່ມແຕ່ຕົ້ນເດືອນສອງມາຮອດປະຈຸບັນ ແມ່ນບໍ່ໄດ້ຂາຍເຄື່ອງດີຄືແຕ່ກ່ອນ ສະເລ່ຍແລ້ວໄດ້ມື້ລະ 200,000 ກີບ ເພາະວ່າເຄື່ອງທີ່ເຮົາຂາຍນີ້ ສ່ວນຫຼາຍແມ່ນນັກທ່ອງທ່ຽວເກົາຫຼີຈະມັກຊື້ ແຕ່ເນື່ອງຈາກວ່າ ຕອນນີ້ມີການລະບາດຂອງພະຍາດໂຄວິດ-19 ເຮັດໃຫ້ນັກທ່ອງທ່ຽວຫຼຸດລົງ.  ແລະ ສຸດທ້າຍແມ່ນຢາກຝາກເຖິງທາງຕະຫຼາດໃຫ້ພິຈາລະນາເລື່ອງການຫຼຸດລາຄາຄ່າເຊົ່າລົງ ຕາມສະພາບຕົວຈີງໃນປະຈຸບັນ ແລະ ຖ້າສະພາບເຂົ້າສູ່ປົກກະຕິຄ່ອຍປັບຂຶ້ນໃນລາຄາເກົ່າ

ນອກຈາກນີ້, ນ້ອງເມີຍ ແມ່ຄ້າຂາຍເຄື່ອງຝາກຍັງໄດ້ບອກຕື່ມອີກວ່າ: ຊ່ວງນີ້ແມ່ນບໍ່ໄດ້ຂາຍເຄື່ອງເລີຍ ເນື່ອງຈາກວ່າຈໍານວນນັກທ່ອງທ່ຽວຫຼຸດລົງ ຕັ້ງແຕ່ເດືອນໜຶ່ງເປັນຕົ້ນມາ ແລະ ມີຈໍານວນຫຼຸດລົງເລື້ອຍໆຈົນຮອດປະຈຸບັນແມ່ນເກືອບບໍ່ເຫັນນັກທ່ອງທ່ຽວຈີນ ແລະ ເກົາຫຼີ ເລີຍ ມີພຽງນັກທ່ອງທ່ຽວຈາກເອີຣົບຈໍານວນໜຶ່ງເທົ່ານັ້ນ

ແນວໃດກໍ່ດີ, ໃນຕະຫຼາດມຶດແຫ່ງນີ້ ຍັງມີຄົນລາວທີ່ອອກມາຊື້ເຄື່ອງຈໍານວນໜຶ່ງ ແຕ່ຈະບາງຕາກວ່າປົກກະຕິ  

LEAVE A REPLY

Please enter your comment!
Please enter your name here