ອໍ້າ ອະທິຊາດ ດາລາ ນັກສະແດງ ຈາກປະເທດໄທ ທີ່ຄົນລາວຮູ້ຈັກກັນດີ ເພາະໜຸ່ມຄົນນີ້ ມີຜົນງານລະຄອນຜ່ານຈໍໂທລະພາບຢູ່ເປັນປະຈໍາ ເປັນຕົ້ນແມ່ນ ລະຄອນ “ໜຶ່ງດ້າວຟ້າດຽວ” ທາງຊ່ອງ 3, ​ລະຄອນເລື່ອງ “ເງົາ”ທາງຊ່ອງ gmm 25, ລະຄອນເລື່ອງ “ເພີງນາຄາ” ທາງຊ່ອງ 3 ລະຄອນເລື່ອງ “ສາຍຮຸ້ງ” ທາງຊ່ອງ gmm 25 ແລະ ອື່ນໆອີກ

ລ່າສຸດ ວັນທີ 28 ກຸມພາ 2020 ໜຸ່ມອໍ້າແມ່ນໄດ້ເດີນທາງມາເຮັດບຸນທີ່ ວັດອົງຕື້ ມະຫາວິຫານ ນະຄອນຫຼວງວຽງຈັນ ໃນງານບຸນຫຼໍ່ພະເຈົ້າໃຫ່ຍອົງຕື້ຈໍາລອງ,ສະຫຼອງພຸດທະສິມມາ,​ ໂດຍໃນຕອນເຊົ້າ ໜຸ່ມອໍ້າແມ່ນໄດ້ຮ່ວມໃສ່ບາດແດ່ພຣະສົງ 108 ອົງ  ແລະ ນອກຈາກນີ້,​ ຍັງໄດ້ຮ່ວມຖ່າຍຮູບກັບແຟນຄັບຊາວລາວຢ່າງເປັນກັນເອງອີກດ້ວຍ.

ຖືໄດ້ວ່າ, ເປັນນັກສະແດງໄທອີກຄົນໜຶ່ງມັກໃນວັດທະນາທໍາ ຮິດຄອງປະເພນີ້ຂອງລາວເຮົາ, ແລະ ສໍາລັບໃຜທີ່ຢາກເຮັດບຸນຮ່ວມກັບໜຸ່ມອໍ້າ ໃນຕອນຄໍ່າຂອງມື້ນີ້ ແມ່ນສະມາດຮ່ວມເຮັດບຸນສົມໂພດພຣະພຸດທະຮູບ ແລະ ສະຫຼອງພຸດທະສິມມາ ໄດ້ ທີ່ວັດອົງຕື້ ມະຫາວິຫານ

LEAVE A REPLY

Please enter your comment!
Please enter your name here