1. ນະຄອນຫຼວງພະບາງ ຄືລາຊະທານີອັນເກົ່າແກ່ແຫ່ງທຳອິດຂອງລາວ ທີ່ມີອາຍຸເຖິງ 1.300 ປີ.
  2. ເປັນລາຊະທານີ ທີ່ມີກະສັດປົກຄອງຫຼາຍເຖິງ 77 ພະອົງ (3 ຍຸກ).
  3. ມີວັດວາອາຮາມ ທີ່ສຳຄັນໃນເຂດຕົວເມືອງ ຫຼາຍກວ່າ 30 ວັດ (ຍັງບໍ່ລວມວັດນ້ອຍ).
  4. ມີບ້ານເຮືອນທີ່ເປັນເອກະລັກໂຄໂລນຽວ ສະໄຕທີ່ສວຍງາມ ແລະໜ້າຫຼົງໄຫຼ ແລະເຮືອນທຸກຫຼັງຜ່ານການບູລະນະຕາມແບບດັ້ງເດີມ.
  5. ເປັນຕົ້ນເຄົ້າ ຮີດ 12 ຄອງ 14 ແລະປະເພນີທີ່ສຳຄັນຫຼາຍບຸນ ເຊັ່ນ ບຸນປີໃໝ່, ແຫ່ນາງສັງຂານ ອັງເຊີນພະບາງພຸດທະລາວັນເຈົ້າລົງສົງ, ບຸນຊ່ວງເຮືອ (ແຂ່ງເຮືອຍາວ) ເປັນຕົ້ນ.
  6. ມີແມ່ນ້ຳຄານ ແລະແມ່ນ້ຳຂອງ ໄຫຼຜ່ານເມືອງຈົນເກີດເປັຮທັດສະນີຍະພາບທີ່ສວຍສົດງົດງາມ.
  7. ເປັນເມືອງທີ່ມີພູເຂົາຢູ່ກາງເມືອງ ທີ່ສາມາດເບິ່ງດວງຕາເວັນຕົກ ແລະຊົມວິວ 360 ອົງສາ ຂອງນະຄອນຫຼວງພະບາງແບບສຸດຍອດ.
  8. ເປັນເມືອງທີ່ມີທຳມະຊາດອ້ອມຮອບ, ພູເຂົາ, ປ່າໄມ້ ແລະ ນ້ຳຕົກຕາດ ເປັນເຫດຜົນໜຶ່ງ ທີ່ສົ່ງຜົນຕໍ່ການກະຕຸ້ນເຮັດໃຫ້ທ່ານຮູ້ສຶກຜ່ອນຄາຍ.
  9. ເປັນເມືອງນ້ອຍໆ ທີ່ເຈົ້າສາມາດຍ່າງໄປມາຮ່ອມນັ້ນນີ້ໄດ້ ໂດຍບໍ່ຕ້ອງຂີ່ລົດຈັກ ແຕ່ຂີ່ລົດຖີບເພື່ອອອກກຳລັງກາຍ.
  10. ເປັນເມືອງສະຫງົບງຽບອີຫຼີ.

ແຫຼ່ງຂໍ້ມູນ : Face Book : Looking Laos Lanxang

LEAVE A REPLY

Please enter your comment!
Please enter your name here